اقتوبە وبلىسىنىڭ پوليتسيا دەپارتامەنتى 2 544 642 مىڭ تەڭگەگە ءۇش ەسىك جاساتپاق​

2104
Adyrna.kz Telegram

اقتوبە وبلىسىنىڭ پوليتسيا دەپارتامەنتى​ ءۇش ەسىكتى اۋىستىرۋ ءۇشىن 2 544 642 تەڭگەلىك تەندەر ويناتقان، - دەپ حابارلايدى ادىرنا ۇلتتىق پورتالى goszakup.gov.kz سايتىنا سىلتەمە جاساپ. ​

اقتوبە وبلىستىق پوليتسيا دەپارتامەنتى اتالعان تەندەردىڭ وتەتىنى تۋرالى حاباردى 8-تامىز كۇنى جاريالاپ، بەس كۇن ىشىندە، ياعني 13-تامىز كۇنى ءبىر كوزدەن “Prof Catering” جاۋاپكەرشىلىگى شەكتەۋلى سەرىكتەستىگىنە بەرگەن.​

ءبىرىنشى ەسىكتىڭ قۇنى - 1 071 428 تەڭگە 57 تيىنعا، ەكىنشى ەسىك - 821 428 تەڭگە 57 تيىن، ءۇشىنشى ەسىك 651 785 تەڭگە 71 تيىنعا باعالانعان ء(ۇش ەسىكتىڭ ورتاق قۇنى - 2 544 642 مىڭ تەڭگە). ​

تەحنيكالىق سيپاتتامادا تەندەر جەڭىمپازى ەسىكتىڭ ورنىن الدىن-الا ولشەپ الۋى، ەسىكتىڭ سالماعى 100 كەلىدەن اسپاۋى، ەسىك ورناتىلعاننان كەيىن ونىڭ اينالاسىن قايتا قالپىنا كەلتىرۋى، سىرتقى كورىنىسى زاماناۋي ستاندارتقا سايكەس بولۋى، ەسىكتىڭ قالىڭدىعى 50-90 مم كەم بولماۋى كەرەكتىگى سەكىلدى ۇقساس تالاپتار جازىلعان. ​

قۇنى ەكى جارىم ميلليون تەڭگە تۇراتىن وتە اقىلدى بۇل ەسىكتەر حالىقتى پوليتسيادان قورعاي ما، جوق الدە پوليتسەيلەردى حالىقتان وقشاۋلاماق پا؟ بۇل سۇراققا جاۋاپ بەرۋ قيىن. دەسە دە، مەملەكەتتىك ماڭىزدى مەكەمەنىڭ قاۋىپسىزدىگى ءۇشىن ەسىكتىڭ مىعىم بولعانى قاجەت تە شىعار. بىراق، ءبىزدى “پوليتسيا دەپارتامەنتى بۇرىن ەسىكسىز تۇردى ما؟ ەسىكپەن تۇرسا، ولار نە سەبەپتى جارامسىز بولىپ قالدى؟” دەگەن سۇراق مازالايدى. قالاي دەگەنمەن دە، حالىقتىڭ سالىعىنان جينالعان قارجىنىڭ سۇراۋى بولۋى كەرەك قوي...​

قانات بىرلىكۇلى​

ادىرنا ۇلتتىق پورتالى​

پىكىرلەر