مەملەكەتكە 1 ملرد تەڭگە شىعىن كەلتىرگەن شىمكەنتتىك شەنەۋنىك سوتتالدى

964
فوتو: gov.kz
فوتو: gov.kz

شىمكەنتتە قارجى باسقارماسىنىڭ بۇرىنعى باسشىسىنا قاتىستى سوت ۇكىمى شىقتى. كەنجەبەك جانبوسىنوۆ مەملەكەتكە 1 ملرد تەڭگە شىعىن كەلتىردى دەپ كۇدىككە ىلىنگەن ەدى. سوت ۇكىمىن ەستىگەن ەكس-شەندى سوت زالىندا وتىرعان ورنىنان تۇرا الماي قالعان، دەپ حابارلايدى «ادىرنا» ۇلتتىق پورتالى Aibat-قا سىلتەمە جاساپ.

كەنجەبەك جانبوسىنوۆ شىمكەنتتەگى قارجى باسقارماسىنا ءتورت جىل بۇرىن باسشى بولىپ كەلگەن. جىلى ورىنعا وتىرعان 10 كۇننەن سوڭ قالاداعى الەۋمەتتىك كاسىپكەرلىك كورپوراتسياسىنىڭ ديرەكتور القىسى بولعان. الايدا كەيىنگى مىندەتىندە ەسەپتەن جاڭىلىپ، مەملەكەتكە 1 ملرد تەڭگە زيان كەلتىرگەن.

"شىمكەنت قالاسىنىڭ جاستارىنا ارناپ سالىنعان توعىزقاباتتى ءۇيدىڭ پاتەرىنىڭ باعاسىنىڭ نەگىزسىز ءوسۋىن بىلە تۇرا، ءتيىستى جۇمىستار جۇرگىزبەگەن", - دەيدى قاراتاۋ اۋداندىق سوتىنىڭ سۋدياسى الپىسباي نالىباەۆ.

قوس قىزمەتتى قاتار ۇستاعان شەنەۋنىكتىڭ ۇستىنەن قىلمىستىق ءىس ەكى جىل بۇرىن قوزعالعان. شىمكەنتتىڭ بۇرىنعى باس قارجىگەرىنە سوتتىڭ ۇكىمى 5 مامىر كۇنى شىققان. 3 جىلعا باس بوستاندىعىنان ايىرىلعانىن ەستىگەن شەنەۋنىك سوت وتىرىسىندا ەموتسياسىن ۇستاي المادى. ال سوتتالۋشىنىڭ ادۆوكاتتارى سوت ۇكىمىمەن كەلىسپەيتىندەرىن بىردەن ايتقان.

"بۇل ءىس بويىنشا پروكۋرور ءۇش رەت اۋىستى. تەرگەۋ بارىسىندا قانداي ىسپەن ايىپتالاتىنىن ەشكىم اشىپ ايتا المادى. قوسىمشا دالەلدەر ۇسىنا المادى", - دەيدى زاڭگەر ساكەن قاسىمبەكوۆ.

سوتتىڭ ۇكىمى ءالى زاڭدى كۇشىنە ەنگەن جوق. ەكس-شەنەۋنىكتىڭ قورعاۋشىلارى اپپەلياتسيالىق شاعىم تۇسىرەمىز دەپ وتىر. ال سوتتى بولعان كەنجەبەك جانبوسىنوۆ جازاسىن شىمكەنتتەگى ورتا دارەجەدەگى تۇرمەدە وتەيدى.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket