اقتوبە وبلىسىنىڭ تەمىر اۋدانىندا اقساي اۋىلدىق وكرۋگى اكىمدىگىنىڭ باس مامانى الاياقتىق جاساعانى ءۇشىن سوتتالدى. بۇل تۋرالى "دياپازون" جاريالادى، دەپ حابارلايدى “ادىرنا” ۇلتتىق پورتالى.
سوتتالۋشى اتقاراتىن قىزمەتى بويىنشا ەكىنشى قول قويۋ قۇقىعىنا يە بولعان، سونىمەن قاتار اۋىلدىق وكرۋگ اكىمىنىڭ ەلەكتروندى تسيفرلىق قولتاڭباسىن (ەتسق) وزىمەن بىرگە الىپ جۇرگەن.
ول 2020 جىلدىڭ ساۋىرىنەن 2022 جىلدىڭ جەلتوقسانىنا دەيىن اكىمنىڭ ەتسق-سى ارقىلى بيۋدجەت اقشاسىن ۇرلاپ، مەملەكەتكە 14 ميلليون تەڭگەدەن استام شىعىن كەلتىرگەن، - دەلىنگەن ايىپتاۋ اكتىسىندە.
ونىڭ 3 ميلليونى اۋىل اكىمدىگى قىزمەتكەرلەرىنىڭ ءىسساپار شىعىنى مەن جالاقىسىن تولەۋگە ارنالعان. ول سەرىكتەستىكتەرمەن جانە جەكە كاسىپكەرلەرمەن زاڭسىز كەلىسىمشارت جاساسىپ، بيۋدجەتتىڭ تاعى ءبىر بولىگىن جىمقىرعان.
سونداي-اق، تەمىر اۋداندىق سوتى ونى 4 جىلعا باس بوستاندىعىنان ايىرۋعا ۇكىم شىعارىپ، ۇرلانعان ميلليونداردى مەملەكەتكە قايتارۋعا مىندەتتەدى.
