سونىمەن... ينديادا G20 ءسامميتى اياقتالدى. پۋتين تۇتقىندالام با دەپ قورقىپ بارماي قالدى دا، ورنىنا لاۆروۆتى جىبەردى.
ەندى... ول جەردە دە ءبىراز قىزىقتار بار. سامميت وتەتىن قالادا، جالپى ينديادا تۇگەلدەي دەرلىك، مايمىلدار وتە كوپ جانە ولار قولىنا تۇسكەننىڭ ءبارىن دە ۇرلاپ كەتەدى ەكەن. كوشەدە كەلە جاتقان ادامنىڭ اقشاسىن، قالتاسىندا نە بار - سونىڭ ءبارىن قاعىپ كەتەتىن كورىنەدى. سامميت ءوتىپ جاتقان جەرلەرگە كىرىپ كەتىپ ستولداعى بلوكنوت، قالامساپ، ت.س.س. ۇرلاۋ تۇك ەمەس دەيدى. سوندىقتان قالادا الدىن-الا رەزەڭكەدەن ۇلكەن مايمىلدار ازىرلەپ، ونى ءۇرىپ ءار جەرگە قوياتىن كورىنەدى. الگى مايمىلدار تەك سول وزدەرىنەن بىرنەشە ەسە ۇلكەن مايمىلداردان عانا قورقادى ەكەن، سولاردان عانا قاشاتىن كورىنەدى. سويتسە... الگى ۇلكەن مايمىلدار لاۆروۆتان اينىماي قالىپتى.
جارايدى، سونىمەن سامميت اياقتالىپ دەكلاراتسيا قابىلدانىپتى. قىتاي ەگەر دەكلاراتسيادا ۋكراينا تۋرالى ءبىر اۋىز ءسوز بولسا قابىلدامايمىز دەپ تۋلاعان. ايتقانداي يندياعا شىجىڭبي دە بارماي قالدى. ءوزى ءبىرىنشى بولماعان جەرگە بارماي قالاتىن ءشىجىڭبيدىڭ اۋەلدەن ادەتى ەكەن. ونىڭ ۇستىنە ينديامەن دە ازداپ باقتالاستىعى تاعى بار دەگەندەي جانە بايدەن قاتىسادى سامميتكە.
سونىمەن نە كەرەك، دەكلاراتسيا دا قابىلدانعان، ۋكراينا تۋرالى دا ايتىلعان. بىراق ءبارى دە جاناما تۇردە، تىم جىلماعاي دەكلاراتسيا بولىپ شىققان. رەسەي تۋرالى ءبىر-ەكى جەردە، يادرولىق
قارۋمەن قورقىتۋ دۇرىس ەمەس دەگەن سياقتى سىن ايتىلعان.
ەندى نەگىزگى تاقىرىبىمىزعا، مۇنداي جەردە بايدەن نە ىسەپ ءجۇر دەگەنگە كەلەيىك.
G20-عا كىرەتىن مەملەكەتتەر - كوبىنە وڭتۇستىك بەلدەۋ مەملەكەتتەرى. ولاردا كوبىنە رەسەي مەن قىتايدىڭ ايتقاندارى ءجۇرىپ-تۇرادى. ەندى وسى مەملەكەتتەردى بىرتىندەپ ءوز جاعىنا تارتۋ كەرەك. بۇلاردىڭ اراسىندا ينديا - وتە ماڭىزدى مەملەكەت، ونىڭ رەسەيمەن ساۋدا-ساتتىعى ۇلكەن. الدىمەن سول ينديانى ءوز جاعىنا تارتۋ كەرەك. سوسىن برازيليا... بايدەن سول ءۇشىن ءجۇر.
مىسالى، جاقىندا اقش-تان ۇلكەن دەلەگاتسيا بىرىككە اراب امىرلىكتەرىنە كەلىپ رەسەيمەن سانكتسيانىڭ ورىندالىسىن قاراپ، ولارعا كومەكتەسپەۋ جونىندە ۇگىت-ناسيحاتتارىن ايتىپ كەتتى. ناتيجەسى بار. بۇل دا سول سياقتى. ياعني اقش ناقتى، رەالدى ساياساتپەن اينالىسىپ ءجۇر.
كورىپ وتىرعانىمىزداي، اقش الەمدىك دەرجاۆامىن دەپ شالقايىپ وتىرعان جوق. ونىڭ ساياساتى كۇندەلىكتى، تۇراقتى، ءوز ەلىنىڭ مۇددەسى ءۇشىن قاجەت جەرىندە كىشىرەيە دە الادى. كۇش كەرەك جەردە كۇشىن دە كورسەتەدى (مىسالى يرانعا).
ءبىزدىڭ قازاقستاندا دا ەلشىلەرىنىڭ قازاقشا سايراۋى - سول جۇمساق ساياساتىنىڭ جەمىسى. ال بۇل جامان با؟ ارينە، جاقسى. ورىستاردىڭ ەلشىلەرىنىڭ سونشاما جىلداردا بىردە-بىرەۋىنىڭ قازاقشا سويلەگەنىن ەستىپ كوردىك پە؟ استامشىلىقتان باسقا نە ەستىدىك؟ ءتىپتى كادىمگىدەي اكىرەڭدەيدى عوي وزدەرى، اكەسىنىڭ ۇيىندە جۇرگەندەي.
