نازارباەۆ زياتكەرلىك مەكتەپتەرىنىڭ وقۋشىلارى اراسىندا توعىزقۇمالاقتان V جەلىلىك سپارتاكياداسى وتۋدە.
سپارتاكيادانىڭ باستى ماقساتى توعىزقۇمالاق ۇلتتىق ويىنىن مەكتەپ وقۋشىلار اراسىندا ناسيحاتتاۋ. بۇل ۇلتتىق ويىن ءتۇرى وقۋشىنىڭ لوگيكالىق ويلاۋ قابىلەتىن ارتتىرۋعا، سىني ويلاي الۋعا كومەكتەسەدى.
اقتاۋ قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ وقۋشىلارى دا«توعىزقۇمالاق» ۇلتتىق ويىنى بويىنشا NIS اراسىنداعى جەلىلىك سپارتاكياداعا قاتىسۋدا. اقتاۋداعى زياتكەرلىك مەكتەبىنىڭ نامىسىن جانسايا جاردەم، نۇرحان ۋتيباەۆ، نازەركە جاردەم جانە جانارىس تلەۋقۇل قورعايدى.
- توعىزقۇمالاق ويىنىنا العاش انام الىپ كەلدى. مەن ول كەزدە 3 جاستا بولاتىنمىن، سول كەزدەن باستاپ انام توعىزقۇمالاق تاقتاسىن ۇيگە اكەلىپ قويعان ەكەن. بالا كۇنىمنەن قىزىعىپ، 4 سىنىپتان باستاپ ارنايى ۇيىرمەلەرگە قاتىسا باستادىم. توعىزقۇمالاقتان جەلىلىك سپارتاكياداعا وسىمەن ءتورتىنشى جىل قاتىرىنان قاتىسىپ جاتىرمىن. 2019 جىلى ءدال وسى سپارتاكيادا دا جەكە 1 ورىن، كوماندامەن 2 ورىندى العان ەدىك، بيىلدا سول جەڭىسىمىزدى قايتالايمىز دەگەن ۇمىتتەمىن،- دەيدى توعىزقۇمالاقتان رەسپۋبليكالىق جارىستاردىڭ جەڭىمپازى جانسايا جاردەم
جانسايا، بۇعان دەيىن تاراز قالاسىندا وتكەن توعىزقۇمالاقتان XI جازعى قازاقستان وقۋشىلار گيمنازياداسىندا 2 ورىن السا، ماڭعىستاۋ وبلىسىندا وتكەن س.تىلەگەنوۆتى ەسكە الۋعا ارنالعان توعىزقۇمالاقتان رەسپۋبليكالىق جارىستا جەڭىمپاز اتاندى.
جەلىلىك سپارتاكيادا 10-12 قازان ارالىعىندا PlayOk پلاتفورماسىندا ونلاين تۇردە وتەدى. جارىسقا نازارباەۆ زياتكەرلىك مەكتەپتەرىنەن 94 ويىنشى قاتىسۋدا.
ايتا كەتەيىك، 2020 جىلدىڭ سوڭىندا توعىزقۇمالاق يۋنەسكو-نىڭ الەمدىك مۇرا نىساندارىنىڭ تىزىمىنە ەنگىزىلدى.