ءماجىلىس دەپۋتاتى داۋلەت تۇرلىحانوۆتىڭ تاعى ءبىر ۇلى ايەلدى ۇردى دەپ ايىپتالدى، دەپ حابارلايدى "ادىرنا" پورتالى.
«ەشقانداي تاڭعالاتىن دۇنيە جوق، جاي Instagram جەلىسىندە ءبىر ايەل سوققىعا جىعىلعانى تۋرالى ۆيدەو جاريالادى. ءيا، جاعدايعا كىنالى دەپ دەپۋتات داۋلەت تۇرلىحانوۆتىڭ ورتانشى ۇلى قاراستىرىلىپ وتىر»، - دەپ جازدى جۋرناليست ميحايل كوزاچكوۆ سارسەنبى كۇنى ءوزىنىڭ Telegram-كانالىندا ءتيىستى ۆيدەونى جاريالاپ.
وقيعاداعى كادرلاردى _eva._t Instagram قولدانۋشىسى ورنالاستىرعان.
«دەپۋتاتتاردىڭ ۇلدارى اكەسىنىڭ اتىن وسىلاي قورلايدى! مىناۋ تۇرلىحانوۆ اكەجان داۋلەتۇلى دەگەن كىسىنىڭ جولىن بىردە-ءبىر قىز قيمايدى دەپ سەنەمىن»، - دەپ جازدى ايەل.
ول سونداي-اق دەنەسىندەگى جاراقاتتار مەن كوگەرگەن جەرلەرىن كورسەتتى.
ەسكە سالايىق، بۇعان دەيىن الماتىدا ادۆوكات اننا چەرنوۆا مەن ونىڭ كۇيەۋى ولەگ چەرنوۆقا شابۋىل جاسالعان بولاتىن. ولار جاس جىگىتتىڭ قورلاۋىندا قالعان قىزدى قورعاماق بولعان. شابۋىل جاساعان ادام دەپۋتات تۇرلىحانوۆتىڭ ۇلى اسكەري قىزمەتكەر نۇراسىل بولات ەكەنى بەلگىلى بولدى. كەيىنىرەك پارلامەنتاري بۇل اقپاراتتى جۋرناليستەرگە راستادى.
3 شىلدەدە بولات ۇلىنىڭ اسكەري بولىمنەن قاشىپ كەتكەنى بەلگىلى بولدى. كەيىن بۇل اقپاراتتى قورعانىس مينيسترلىگى رەسمي تۇردە راستادى. 4 شىلدە كۇنى تاڭەرتەڭ قورعانىس ۆەدومستۆوسى بولاتتى اسكەري پوليتسيا قىزمەتكەرلەرى تاۋىپ، بولىمشەگە جەتكىزگەنىن حابارلادى.
پوسموترەت ەتۋ پۋبليكاتسيۋ ۆ Instagram
ۇقساس جاڭالىقتار
