يزرايل قورعانىس كۇشتەرى داماسك قالاسىنىڭ ورتالىعىندا ورنالاسقان سيريا قورعانىس مينيسترلىگىنىڭ شتاب-پاتەرى ورنالاسقان عيماراتقا اۋەدەن سوققى جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى حالىقارالىق اگەنتتىكتەر مەن سيريا تاراپى مالىمدەدى.
«يزرايل قورعانىس كۇشتەرى داماسك ايماعىنداعى سيريا رەجيمىنىڭ اسكەري شتابىنا سوققى جاسادى»، — دەلىنگەن سيريا ۇكىمەتىنىڭ رەسمي مالىمدەمەسىندە.
سيريا دەنساۋلىق ساقتاۋ مينيسترلىگىنىڭ حابارلاۋىنشا، شابۋىل سالدارىنان ءبىر ادام قازا تاۋىپ، كەمىندە 18 ادام جارالانعان.
شابۋىلدان كەيىن يزرايل ءۇش مارتە اۋە سوققىسىن جاساعان. جارىلىستار داماسك قالاسىنداعى ومەياد الاڭىندا بولعانى انىقتالدى. بۇل اۋماق ەل استاناسىنىڭ ماڭىزدى اكىمشىلىك جانە قاۋىپسىزدىك مەكەمەلەرى ورنالاسقان بولىگى بولىپ سانالادى.
قازىرگى ۋاقىتتا زارداپ شەككەندەرگە مەديتسينالىق كومەك كورسەتىلىپ جاتىر. شابۋىل سەبەپتەرى مەن سالدارىنا قاتىستى يزرايل تاراپى رەسمي تۇسىنىكتەمە بەرگەن جوق.
