شەشەنستان باسشىسى رامزان قادىروۆتىڭ 17 جاستاعى ۇلى ادام قادىروۆ رەسپۋبليكاداعى ىشكى ىستەر مينيسترلىگى باسقارماسىنىڭ كۋراتورى بولىپ تاعايىندالدى. بۇل تۋرالى تاسس جازدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، ادام قادىروۆتى ىشكى ىستەر مينيسترلىگىنىڭ كۋراتورى ەتىپ تاعايىنداۋ تۋرالى حابار 31 ناۋرىزدا وتكەن جيىندا جاريالاندى. ۆەدومستۆو باسشىسى اسلان يراسحانوۆ بۇل شەشىم رامزان كادىروۆتىڭ تاپسىرماسىمەن قابىلدانعانىن اتاپ ءوتتى.
ءالى كامەلەتكە تولماعان شەشەنستان باسشىسىنىڭ ۇلى بىرنەشە قۇقىق قورعاۋ ورگاندارى مەن اسكەري بولىمشەلەردە جەتەكشى لاۋازىمداردى اتقارىپ جاتىر.
بۇدان بۇرىن 17-جاسار ادام قادىروۆ ۆلاديمير پۋتين اتىنداعى رەسەي ارنايى جاساقتار ۋنيۆەرسيتەتىنىڭ جانە شەيح مانسۋر اتىنداعى باتالوننىڭ كۋراتورى بولىپ تاعايىندالعان ەدى.
ۇقساس جاڭالىقتار
