ءوز ورتاسىندا تانىمال بلوگەر، سانكت-پەتەربوردان (رەسەي) كەلگەن يۆان چەرۆينسكي ءوزىنىڭ جەكە پاراقشاسىندا ۆيدەو جاريالادى. ول ءوز ۆيدەوسىندا قىزىن قازاق مەكتەبىنە جەتەكتەپ اپارعانىن بايانداپ، قىزىنىڭ مەملەكەتتىك تىلدە ءبىلىم العانىن قالايتىنىن جەتكىزدى. سونىمەن قاتار، اسقان قوناقجايلىعى ءۇشىن قازاقستانعا العىس ءبىلدىردى، دەپ حابارلايدى "ادىرنا" ۇلتتىق پورتالى.
- قۇرمەتتى دوستار، ءبىرىنشى قىركۇيەك! بارشاڭىزدعا ءبىلىم كۇنى قۇتتى بولسىن!
مەن ءۇشىن دە، مەنىڭ وتباسىم ءۇشىن دە بۇل كۇن اسا ەرەكشە! بۇگىن مەنىڭ ەۆا-ماريا ەسىمدى قىزىم ءبىرىنشى سىنىپقا باردى.
ونىڭ ۇستىنە قىزىم الماتى قالاسىنداعى ءنومىرى 33-قازاق مەكتەپ-ليتسەيىنىنىڭ تابالدىرىعىن اتتادى جانە قىزىم قازاق تىلىندە ءبىلىم الادى!
ارينە، بۇل وڭاي ەمەس. جاڭا ەل، جاڭا ءتىل. ونىڭ ۇستىنە، كەز كەلگەن اتا-انا ءۇشىن بۇل وتە قىزىق بولۋى ءتيىس.
الايدا بىزدى وسىلاي جىلى قابىلداپ، وسىنداي مۇمكىندىكتەردىڭ ەسىگىن اشىپ بەرگەنىنە
قازاقستانعا العىس ايتامىن جانە ريزامىن!راقمەت، قازاقستان! - دەپ جازدى رەسەيدەن كەلگەن ازامات.
يۆان چەرۆينسكي قازاقستان جايلى تانىمدىق اقپاراتار ۇسىناتىن رەسەيلىك ازامات. قازىر ونىڭ Instagram-دا 150 مىڭنان استام جازىلۋشى جانە YouTube ارناسىندا تاعى 260 مىڭ ادام بار. يۆان قازاقستان، قازاقتار جانە ولاردىڭ الەمدىك ارەناداعى جەتىستىكتەرى تۋرالى ءجيى جاريالايدى.
پوسموترەت ەتۋ پۋبليكاتسيۋ ۆ Instagram
ورايى كەلگەندە ايتا كەتەيىك، رەسپۋبليكا بويىنشا ءبىرىنشى سىنىپقا بارعان وقۋشىلاردىڭ 68 پايىزدان استامى قازاق تىلىندە وقىتاتىن مەكتەپتەردە ءبىلىم الادى. بۇل تۋرالى قازاقستان رەسپۋبليكاسى وقۋ-اعارتۋ مينيسترلىگىنىڭ ورتا ءبىلىم بەرۋ كوميتەتى توراعاسىنىڭ ورىنباسارى جومارت قارامباەۆ “ادىرنا” ۇلتتىق پورتالىنا بەرگەن جاۋابىندا ايتىپ بەرگەن ەدى.
دەگەنمەن، جەلى قولدانۋشىلارلى كىشكەنتاي تالاپكەرلەردى قازاق تىلىنە بەيىمدەيتىن ورتالىقتاردىڭ وتە از ەكەنىن، بىلىكتى مامانداردىڭ جەتىسپەيتىندىگىن، مەكتەپتەردىڭ ازدىعىن ايتىپ، ءجيى شاعىمدانادى. ءتىپتى جەلى قولدانۋشىلارى كەيبىر ايماقتاردا قازاق ءتىلدى مەكتەپتەردى دامىتۋعا، كوبەيتۋگە ءتيىستى دەڭگەيدە كوڭىل بولىنبەيتىندىگىن ايتادى.
"ادىرنا" ۇلتتىق پورتالى
