ءبىر ايدىڭ ىشىندە قازاقستاندىقتار اقشا اۋدارۋ جۇيەسى ارقىلى ءتۇرلى ەلدەرگە 103,2 ملرد تەڭگە جىبەرگەن. بۇل ءبىر اي بۇرىنعىدان 25,3 ملرد تەڭگەگە نەمەسە 35%-عا ارتىق، دەپ حابارلايدى “ادىرنا” ۇلتتىق پورتالى.
قازاقستاننان تۇركياعا ترانسفەرتتەر كوبەيىپ بارادى. جىل باسىنان بەرگى 8 ايدا ول جەرگە 163,1 ملرد تەڭگە ءتۇستى. بۇل وتكەن جىلمەن سالىستىرعاندا 30 پايىزعا ارتىق. ال تامىز ايىندا بۇل كورسەتكىش رەكوردتىق كورسەتكىشكە جەتتى – 27 ميلليارد تەڭگەدەن استام. بۇل شىلدە ايىمەن سالىستىرعاندا ءبىر جارىم ەسە جانە 2021 جىلدىڭ تامىزىمەن سالىستىرعاندا 50 پايىزعا ارتىق.
تاجىكستانعا اۋدارىمداردىڭ تاريحي ماكسيمۋمى دا جاڭارتىلدى. بىراق مۇندا سومالار الدەقايدا قاراپايىم – ايىنا شامامەن 2,6 ملرد تەڭگە.
”ادىرنا” ۇلتتىق پورتالى