Tesla ەلەكتروموبيل كومپانياسىنىڭ باسشىسى يلون ماسك رەسەي فەدەراتسياسىندا، قازاقستاندا جانە باسقا دا تمد ەلدەرىندە Tesla-نىڭ جاقىن ارادا رەسمي پايدا بولاتىنى تۋرالى حابارلادى.
"مەنىڭ ويىمشا، ءبىز جاقىن ارادا رەسەيدە بولامىز، ال Tesla جاقىن ارادا رەسەيدە پايدا بولادى. مەنىڭ ويىمشا، بۇل تاڭقالارلىق كەرەمەت جاڭالىق بولماق. ءبىز سونىمەن قاتار قازاقستانعا، تمد ەلدەرىنە كەڭىرەك قاراپ، رەسمي وكىلدىكتەرىمىزدى اشۋعا كەڭىرەك قاراۋىمىز كەرەك", - دەدى ماسك.
"جاڭا ءبىلىم" اتتى مارافوندا Tesla باسشىسى سونىمەن قاتار رەسەيدى ەلەكتروموبيلدەر شىعاراتىن زاۋىتتىڭ ورنالاسۋى رەتىندە قاراستىرىپ جاتقانىن ايتتى.
ء"بىزدىڭ شانحايدا فابريكامىز بار ... ءبىز الەمنىڭ باسقا بولىكتەرىندە دە فابريكالارىمىزدىڭ بولعانىن قالايمىز، مۇمكىن رەسەي تۋرالى ويلاناىپ كورەمىز" دەدى ماسك.
«جاڭا ءبىلىم» مارافونى بەيسەنبىدە ماسكەۋدەن باستالدى جانە سونىمەن قاتار سانكت-پەتەربۋرگ، سوچي، قازان، نيجني نوۆگورود، ۆلاديۆوستوك، كالينينگراد جانە نوۆوسيبيرسك قالالارىندا وتەدى. فورۋم باعدارلاماسى كەلەسى باعىتتاردى قامتيدى: ءبىلىم، تاريح جانە مادەنيەت، سپورت، اقپاراتتىق تەحنولوگيالار، ءوندىرىس، عىلىم جانە تەحنولوگيالار. ۇيىمداستىرۋشىلاردىڭ ايتۋىنشا، مارافون بارىسىندا 150-گە جۋىق سپيكەر ءسوز سويلەيدى.
"ادىرنا" ۇلتتىق پورتالى
