Öz ortasynda tanymal bloger, Sankt-Peterbordan (Resei) kelgen İvan Chervinskii özınıŋ jeke paraqşasynda video jariialady. Ol öz videosynda qyzyn qazaq mektebıne jetektep aparǧanyn baiandap, qyzynyŋ memlekettık tılde bılım alǧanyn qalaitynyn jetkızdı. Sonymen qatar, asqan qonaqjailyǧy üşın Qazaqstanǧa alǧys bıldırdı, dep habarlaidy "Adyrna" ūlttyq portaly.
- Qūrmettı dostar, Bırınşı qyrküiek! Barşaŋyzdǧa bılım künı qūtty bolsyn! Men üşın de, menıŋ otbasym üşın de būl kün asa erekşe! Bügın menıŋ Eva-Mariia esımdı qyzym bırınşı synypqa bardy. Onyŋ üstıne qyzym Almaty qalasyndaǧy nömırı 33-qazaq mektep-liseiınınıŋ tabaldyryǧyn attady jäne qyzym qazaq tılınde bılım alady! Ärine, būl oŋai emes. Jaŋa el, jaŋa tıl. Onyŋ üstıne, kez kelgen ata-ana üşın būl öte qyzyq boluy tiıs. Alaida bızdı osylai jyly qabyldap, osyndai mümkındıkterdıŋ esıgın aşyp bergenıne Qazaqstanǧa alǧys aitamyn jäne rizamyn!Raqmet, Qazaqstan! - dep jazdy Reseiden kelgen azamat.İvan Chervinskii Qazaqstan jaily tanymdyq aqparatar ūsynatyn reseilık azamat. Qazır onyŋ Instagram-da 150 myŋnan astam jazyluşy jäne YouTube arnasynda taǧy 260 myŋ adam bar. İvan Qazaqstan, qazaqtar jäne olardyŋ älemdık arenadaǧy jetıstıkterı turaly jiı jariialaidy.
Oraiy kelgende aita keteiık, Respublika boiynşa bırınşı synypqa barǧan oquşylardyŋ 68 paiyzdan astamy qazaq tılınde oqytatyn mektepterde bılım alady. Būl turaly Qazaqstan Respublikasy oqu-aǧartu ministrlıgınıŋ orta bılım beru komitetı töraǧasynyŋ orynbasary Jomart Qarambaev “Adyrna” ūlttyq portalyna bergen jauabynda aityp bergen edı. Degenmen, jelı qoldanuşylarly kışkentai talapkerlerdı qazaq tılıne beiımdeitın ortalyqtardyŋ öte az ekenın, bılıktı mamandardyŋ jetıspeitındıgın, mektepterdıŋ azdyǧyn aityp, jiı şaǧymdanady. Tıptı jelı qoldanuşylary keibır aimaqtarda qazaq tıldı mektepterdı damytuǧa, köbeituge tiıstı deŋgeide köŋıl bölınbeitındıgın aitady.Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
