بۇگىن قازاقستان پرەزيدەنتى قاسىم-جومارت توقاەۆ وزبەكستان پرەزيدەنت شاۆكات ميرزيوەۆكە قۇتتىقتاۋ جەدەلحاتىن جولداپ، وزبەكستان حالقىن ۇلتتىق مەرەكەسى – تاۋەلسىزدىك كۇنىمەن قۇتتىقتادى، دەپ حابارلايدى “ادىرنا” ۇلتتىق پورتالى.
ءبىزدىڭ حالىقتارىمىزدىڭ تۇپكى مۇددەلەرىن، عاسىرلار بويعى دوستىق جانە تاتۋ كورشىلىك داستۇرلەرىن نەگىزگە الا وتىرىپ، قازاق-وزبەك ستراتەگيالىق سەرىكتەستىگى مەن وداقتاستىعىن ودان ءارى نىعايتۋعا باسىمدىق بەرەمىن. ءبىز ورتاق كۇش-جىگەردى بىرىكتىرە وتىرىپ، باۋىرلاس حالىقتارىمىزدىڭ وركەندەۋى جانە ورتالىق ازيانىڭ تۇراقتىلىعى مەن يگىلىگى ءۇشىن كوپجاقتى ىنتىماقتاستىقتىڭ وراسان زور الەۋەتىن جۇزەگە اسىرا الاتىنىمىزعا سەنىمدىمىن، – دەپ جازدى توقاەۆ.
ايتا كەتەيىك، 1991 جىلى 31 تامىزدا وزبەك كسر جوعارعى كەڭەسى تاۋەلسىزدىك تۋرالى قاۋلىنى قابىلداپ، وزبەك كسر وزبەكستان رەسپۋبليكاسى بولىپ اتالدى. سونداي-اق، 1 قىركۇيەك تاۋەلسىزدىك كۇنى دەپ جاريالادى. ال 5 قىركۇيەكتە سول كەزدەگى پرەزيدەنتى يسلام كارىموۆ لەنين اتىنداعى ورتالىق الاڭدى مۋستاكيلليك (تاۋەلسىزدىك) دەپ اتاۋعا شەشىم شىعاردى.
