Bügın Qazaqstan Prezidentı Qasym-Jomart Toqaev Özbekstan prezident Şavkat Mirziioevke qūttyqtau jedelhatyn joldap, Özbekstan halqyn ūlttyq merekesı – Täuelsızdık künımen qūttyqtady, dep habarlaidy “Adyrna” ūlttyq portaly.
Bızdıŋ halyqtarymyzdyŋ tüpkı müddelerın, ǧasyrlar boiǧy dostyq jäne tatu körşılık dästürlerın negızge ala otyryp, qazaq-özbek strategiialyq serıktestıgı men odaqtastyǧyn odan ärı nyǧaituǧa basymdyq beremın. Bız ortaq küş-jıgerdı bırıktıre otyryp, bauyrlas halyqtarymyzdyŋ örkendeuı jäne Ortalyq Aziianyŋ tūraqtylyǧy men igılıgı üşın köpjaqty yntymaqtastyqtyŋ orasan zor äleuetın jüzege asyra alatynymyzǧa senımdımın, – dep jazdy Toqaev.
Aita keteiık, 1991 jyly 31 tamyzda Özbek KSR Joǧarǧy keŋesı Täuelsızdık turaly qaulyny qabyldap, Özbek KSR Özbekstan Respublikasy bolyp ataldy. Sondai-aq, 1 qyrküiek Täuelsızdık künı dep jariialady. Al 5 qyrküiekte sol kezdegı prezidentı İslam Kärımov Lenin atyndaǧy ortalyq alaŋdy Mustakillik (Täuelsızdık) dep atauǧa şeşım şyǧardy.
