بۇگىن، 26 قاراشادا پرەزيدەنت قاسىم-جومارت توقاەۆ قازاقستان حالقىنا انت بەردى، دەپ حابارلايدى “ادىرنا” ءتىلشىسى.
"قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋتسياسى مەن زاڭدارىن مۇلتىكسىز ورىنداۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، قازاقستان رەسپۋبليكاسى پرەزيدەنتىنىڭ وزىمە جۇكتەلگەن مارتەبەلى مىندەتىن ادال اتقارۋعا سالتاناتتى تۇردە انت ەتەمىن", - دەدى قاسىم-جومارت توقاەۆ ۇلىقتاۋ راسىمىندە.
ەسكە سالايىق، 22 قاراشادا ورتالىق سايلاۋ كوميسسياسىنىڭ وتىرىسىندا 20 قاراشادا وتكەن قازاقستان پرەزيدەنتىن سايلاۋدىڭ رەسمي قورىتىندىلارى جاريالاندى. قورىتىندى بويىنشا، قاسىم-جومارت توقاەۆ قازاقستان پرەزيدەنتى بولىپ سايلاندى.
