قوستاناي وبلىسىنىڭ تۇرعىندارى ءسىبىر جاراسىن جۇقتىرعان ادامداردىڭ جان تۇرشىگەرلىك كادرلارىن تاراتىپ جاتىر، - دەپ حابارلايدى "ادىرنا" ءتىلشىسى الاۋ سايتىنا سىلتەمە جاساپ.
الەۋمەتتىك جەلىدە قاراسۋ اۋدانىندا ءسىبىر جاراسىن جۇقتىرعاندار تۋرالى ۆيدەو تاراپ جاتقانى حابارلاندى. ايتۋلارىنشا، ايماقتا جولعا بوگەت قويىلىپ، مال ورتەنىپ جاتىر.
قاراسۋ اۋدانى اكىمدىگىندە، سونداي-اق وبلىس اكىمدىگىنىڭ ۆەتەريناريا باسقارماسىنىڭ «قاراسۋ اۋدانىنىڭ ۆەتەريناريالىق ستانتسياسى» كمم-دا بۇل دەرەك راستالماعان. «تاراتىلعان اقپارات قاراسۋ اۋدانى اۋماعىندا شىندىققا سايكەس كەلمەيدى»، - دەلىنگەن حابارلامادا.
بۇل رەتتە توتەنشە جاعدايلار قىزمەتى بۇل فاكتى اقمولا وبلىسىندا تىركەلگەنىن اتاپ وتەدى. توتەنشە جاعدايلار مينيسترلىگىنىڭ 29 تامىزداعى حابارلاماسىنا سايكەس، جارقايىڭ اۋدانىندا ۇشقاراسۋ اۋىلىنان ءسىبىر جاراسىنا كۇدىكپەن 10 ادام ەسىل اۋداندىق اۋرۋحاناسىنىڭ جۇقپالى اۋرۋلار بولىمىنە جاتقىزىلدى. دياگنوز جەتى ادامدا راستالدى (ورتاشا اۋىرلىق دارەجەسى). ەپيدەمياعا قارسى شارالار جۇرگىزىلۋدە.
"ادىرنا" ۇلتتىق پورتالى
ۇقساس جاڭالىقتار
