6 ماۋسىمدا، ءتۇن اۋعان شاقتا قوستانايدا ەكى قاباتتى كوتتەدج جانىپ كەتتى. بۇل تۋرالى وڭىرلىك "ناشا گازەتا" پورتالى جاريالادى، دەپ حابارلايدى “ادىرنا” ۇلتتىق پورتالى.
اباي داڭعىلى مەن لەرمونتوۆ كوشەسىنىڭ قيىلىسىندا ورنالاسقان ەكى قاباتتى كوتتەدج ورتەندى. رەداكتسياعا جولدانعان سۋرەتتەردە ءورت اۋماعىنان ءبىرتوپ ادامنىڭ شىعىپ جاتقانى كورسەتىلگەن.
كۋاگەرلەردىڭ ايتۋىنشا، پوليتسيا قىزمەتكەرلەرى ءۇيدىڭ تەرەزەلەرىن ۇرىپ، ىشتەگى ادامداردى وياتۋعا تىرىسقان. سونىمەن قاتار، كوتتەدج بولمەلەرى جالعا بەرىلگەن دەگەن بولجام ايتىلدى.
ء"ورت تۋرالى حابارلاما ساعات 00:06-دا كەلىپ ءتۇستى. ءورت ورنىندا ءبىرىنشى دەڭگەيلى كۇيىك شالعان ءتورت ادامعا مەديتسينالىق كومەك كورسەتىلدى. سونىمەن قاتار ءۇيدىڭ ىشىنەن ءتورتىنشى دەڭگەيلى كۇيىك شالعان ەكى ادامنىڭ ءمايىتى تابىلدى", - دەدى دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەەۆا.
”ادىرنا” ۇلتتىق پورتالى
