قوستاناي وبلىسىندا كۇن رايىنىڭ قولايسىزدىعىنا بايلانىستى جولدا قالعان 24 ادام قۇتقارىلدى، دەپ حابارلايدى "ادىرنا" ۇلتتىق پورتالى قر تجم ءباسپاسوز قىزمەتىنە سىلتەمە كورسەتە وتىرىپ.
قوستاناي وبلىسىندا ءالى دە كۇن رايى بۇزىلىپ تۇر. ناۋرىز قارلى بولدى. جولداردى تازارتۋ جالعاسۋدا، قاتتى جەل جۇمىسقا كەدەرگى كەلتىرىپ تۇر. قۇتقارۋشىلار بۇل كۇندەرى كۇشەيتىلگەن رەجيمدە جۇمىس ىستەيدى، قارعا كەپتەلىپ قالعان جۇرگىزۋشىلەرگە كومەكتەسەدى، توقتاپ قالعان اۆتوكولىكتەردى سۇيرەيدى، ازاماتتاردى ەلدى مەكەندەرگە ەۆاكۋاتسيالايدى.
6 ناۋرىزدا قوستاناي وبلىسى تجد بولىمشەلەرى ناۋىرزىم، قامىستى، قاراسۋ اۋداندارىنىڭ اۋماعىندا 4 اۆاريالىق-قۇتقارۋ وپەراتسياسىن جۇرگىزدى. 24 ادام قۇتقارىلدى، ونىڭ ىشىندە 8 بالا بار.
تج سالدارىن جويۋعا 10 قىزمەتكەر مەن 4 بىرلىك ارنايى تەحنيكا قاتىستى.
جەرگىلىكتى جەرلەردە بارلىعى 4 ۋاقىتشا بلوك-بەكەتتەردىڭ، تجد (جەكە قۇرامنان 4 ادام، 2 بىرلىك تەحنيكا), پد (جەكە قۇرامنان 5 ادام، 4 بىرلىك تەحنيكا) كەزەكشىلىگى ۇيىمداستىرىلدى، 160 ورىنعا 4 جىلىتۋ پۋنكتى دايىندالدى. اۆتوكولىكتىڭ جينالۋى جوق.
اۋا رايىنىڭ ناشارلاۋىنا بايلانىستى ەسكەرتۋ جاريالاندى.
"ادىرنا" ۇلتتىق پورتالى
