قازاقستاندىق فايتەر قۋات "نايمان" حاميتوۆ رەسەيلىك Fight Night Global ۇيىمىنىڭ چەمپيوندىق بەلبەۋى ءۇشىن جەكپە-جەكتە ازەربايجاندىق ناريمان ابباسوۆتان جەڭىلىپ قالدى.
ماسكەۋ تۇبىندەگى مىتيششي قالاسىندا وتكەن FNG93 تۋرنيرىندە سپورتشىلار بەس راۋند بويى كۇش سىناستى. ناتيجەسىندە تورەشىلەر جەڭىستى ناريمان ابباسوۆقا بەردى - 48:47, 47:47 جانە 48:47, دەپ حابارلايدى Prosports.kz سايتى.
ايتا كەتەيىك، حاميتوۆ وكتاگونعا شىقپاس بۇرىن ءبىر ۇپايىنان ايىرىلعان ەدى، سەبەبى ول ءوز كاتەگورياسىنىڭ سالماعىنان اۋىرلاۋ بولىپ شىقتى.
جەكپە-جەكتەن كەيىن حاميتوۆ تورەشىلەر شەشىمىمەن كەلىسپەيتىنىن جانە اپەللياتسياعا بەرەتىنىن ايتتى.
"مەن ۇپاي سانىمەن جەڭىسكە جەتتىم دەپ ويلادىم، بىراق تورەشىلەر ءاردايىم ءبارىن باسقاشا كورەدى. ونىڭ ءبىر جەردە باسىمدىققا يە بولعانىن كورمەدىم. نەگىزىنەن بارلىق راۋندتار تەڭ بولدى، بىراق ەكى راۋندتا مەن ايقىن جەڭگەنىمە سەنىمدىمىن. تورەشىلەر شەشىمدى قايتا قاراۋى كەرەك", - دەدى ول.
بۇل قۋات حاميتوۆتىڭ 2017 جىلدىڭ قاراشاسىنان بەرى العاشقى جەكپە-جەگى.
"نايماننىڭ" ەندىگى ستاتيستيكاسى مىناداي: 19 جەڭىس، 1 تەڭ جانە 7 جەڭىلىس.
