Qazaqstandyq faıter Qýat "Naıman" Hamıtov reseılik Fight Night Global uıymynyń chempıondyq belbeýi úshin jekpe-jekte ázerbaıjandyq Narıman Abbasovtan jeńilip qaldy.
Máskeý túbindegi Mytıı qalasynda ótken FNG93 týrnırinde sportshylar bes raýnd boıy kúsh synasty. Nátıjesinde tóreshiler jeńisti Narıman Abbasovqa berdi - 48:47, 47:47 jáne 48:47, dep habarlaıdy Prosports.kz saıty.
Aıta keteıik, Hamıtov oktagonǵa shyqpas buryn bir upaıynan aıyrylǵan edi, sebebi ol óz kategorııasynyń salmaǵynan aýyrlaý bolyp shyqty.
Jekpe-jekten keıin Hamıtov tóreshiler sheshimimen kelispeıtinin jáne apellıaııaǵa beretinin aıtty.
"Men upaı sanymen jeńiske jettim dep oıladym, biraq tóreshiler árdaıym bárin basqasha kóredi. Onyń bir jerde basymdyqqa ıe bolǵanyn kórmedim. Negizinen barlyq raýndtar teń boldy, biraq eki raýndta men aıqyn jeńgenime senimdimin. Tóreshiler sheshimdi qaıta qaraýy kerek", - dedi ol.
Bul Qýat Hamıtovtyń 2017 jyldyń qarashasynan beri alǵashqy jekpe-jegi.
"Naımannyń" endigi statıstıkasy mynadaı: 19 jeńis, 1 teń jáne 7 jeńilis.
