Astanada er adamnan 400-den astam dıni mazmūndaǧy kıtapty tärkılengen, dep habarlaidy “Adyrna”.
Astana qalasy PD ekstremizmge qarsy küres basqarmasynyŋ qyzmetkerlerı jedel ıs-şaralar barysynda arazdyq tudyrdy degen küdıkpen pansionat qyzmetkerın äşkerelegen. Atalǧan pansionatpen tūrǧylyqty jerın rūqsat etılgen tıntu nätijesınde 31 jastaǧy azamattan 400-den astam dıni mazmūndaǧy ädebiet tabylyp, tärkılendı. Atalǧan faktı boiynşa Qazaqstan Respublikasy Qylmystyq kodeksınıŋ 174-babynyŋ 1-bölıgı (Äleumettık, ūlttyq, rulyq, näsıldık, tektık-toptyq nemese dıni arazdyqty qozdyru) boiynşa qylmystyq ıs qozǧalyp otyr. Sot şeşımıne säikes ūstalǧan er adam 3 jylǧa bas bostandyǧynan aiyryldy.
Sondai-aq, Almatyda da qylmystyq ıs tergelude. Almaty qalalyq polisiia departamentı balalar pansionatynyŋ atyn jamylyp jūmys ısteitın qaiyrymdylyq mekemelerın kämeletke tolmaǧandy öz-özıne qol jūmsauǧa itermeledı jäne basqa da qylmystardy jasady degen küdıkke ılıngen. Būl turaly:
- Būl pansionattarda tūratyn kämeletke tolmaǧandar jüielı türde dıni joralǧylar men ūjymdyq dūǧalarǧa tartylǧan. Būǧan könbegen balalardy tamaq, su bermei jazalaǧan, kei jaǧdaida fizikalyq küş qoldanylǧan.
Pansionattarda jürgızılgen tıntuler şeteldık dıni ädebietter men oqu materialdarynyŋ, onyŋ ışınde Qazaqstanda ekstremistık dep tanylǧan jäne taratuǧa tyiym salynǧan materialdardyŋ bar ekenın rastady, - dep habarlaidy polisiia.
Qazırgı uaqytta sotqa deiıngı tergeu jalǧasuda. Tergeu müddesıne sai basqa mälımetter jariia etılmeidı.
Ūqsas jaŋalyqtar
