اقوردانىڭ Telegram ارناسىندا جارىق كورگەن 26 تامىزىنداعى حابارلامادا:
"مەملەكەت باسشىسى قاسىم-جومارت توقاەۆ ۇكىمەتكە قازاق-قىرعىز شەكاراسىنداعى جاعدايدى ەكى ەل اراسىندا قالىپتاسقان سەرىكتەستىك جانە باۋىرلاستىق قارىم-قاتىناس اياسىندا رەتتەۋدى تاپسىردى", دەلىنگەن.
توقاەۆ سونىمەن قاتار شەكارا قىزمەتىندەگى زاڭسىزدىقتارعا جول بەرمەۋ ءۇشىن جاڭا تەحنولوگيانى كەڭىنەن قولدانۋ قاجەت ەكەندىگىن اتاپ ءوتتى.
وسى اپتانىڭ باسىندا قازاقستان مەن قىرعىزستان شەكاراسىندا 370 جۇك كولىگى كەزەك كۇتىپ تۇرعانى بەلگىلى بولدى. 22 تامىزدا قارجى ءمينيسترى ەرۇلان جاماۋباەۆ ءوز مينيسترلىگىنە كوممەرتسيالىق جۇكتەرگە قاتىستى ءوز مينيسترلىگىنە ەشقانداي تاپسىرما جۇكتەلمەگەنىن مالىمدەدى. ءوز كەزەگىندە قر ۇلتتىق قاۋىپسىزدىك كوميتەتى قازاق-قىرعىز شەكارا ۋچاسكەسى شتاتتىق رەجيمدە جۇمىس ىستەپ جاتقانىن ناقتىلادى.
24 تامىزدا ەۋرازيالىق ەكونوميكالىق كوميسسيانىڭ مونيتورينگ توبى قازاق-قىرعىز شەكاراسىندا بولىپ، قىرعىز حالىقارالىق تاسىمالداۋشىلارىنىڭ اۆتوجول وتكىزۋ بەكەتىنىڭ قىزمەتىمەن تانىستى.
ورايى كەلگەندە ايتا كەتەيىك، بيىلعى قۋاڭشىلىق سالدارىنان ءبىر وزەننەن سۋ ىشكەن قوس ەلدىڭ تۇرعىندارى ءدۇدامال كۇيگە كۇستى. كورشى ەلدىڭ بيلىگى قىرعىزستاننىڭ وزىندە سۋ قالماسا دا، شارتتىڭ ءبىر بولىگىن ورىندادىق دەپ مالىمدەدى. سونىمەن قاتار، سۋ تاپشىلىعىن تانىتقان قىرعىزستاندىق ازاماتتىڭ ۆيدەوسى الەۋمەتتىك جەلىدە تارادى.
"ادىرنا" ۇلتتىق پورتالى
