جامبىلداعى سۋ تاپشىلىعى. قىرعىزستانمەن كەلىسسوز جۇرگىزىلىپ جاتىر

ەكولوگيا جانە تابيعي رەسۋرستار ۆيتسە-ءمينيسترى. عاليدۋللا ازيدۋللين جامبىل وبلىسىنا ىسساپارمەن باردى. بۇل تۋرالى مينيسترلىكتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى. باسقارمانىڭ مالىمدەۋىنشە، بيىلعى جىلدىڭ 9 تامىزىنداعى جاعداي بويىنشا تالاس وزەنىنىڭ باسسەينى بويىنشا كيروۆ سۋ قويماسىنىڭ كولەمى 32,48 ملن مەتر كۋبتى قۇرادى، بۇل ءبىر جىل بۇرىنعى كورسەتكىشپەن سالىستىرعاندا 144,8 ملن مەتر كۋبكە از (177,28 ملن مەتر كۋب).

«تالاس وزەنىندەگى سۋ كيروۆ سۋ قويماسىنا اقپايدى دەسە دە بولادى. قازىرگى ۋاقىتتا قىرعىزستاننىڭ تالاس بۋۆح قىزمەتىمەن «جامبىل گرەس» اق جۇمىسىن قولداۋ ءۇشىن سۋ قويماسىنان كەمىندە 5 مەتر كۋب/سەك سۋ بەرۋ تۋرالى كەلىسسوزدەر جۇرگىزىلۋدە، سونداي-اق تالاس وزەنىنىڭ ارناسىن ەكولوگيالىق تۇرعىدا وتكىزۋ قاراستىرىلىپ وتىر»،—دەپ ءتۇسىندىردى مينيسترلىكتىڭ ءباسپاسوز قىزمەتى.

سونداي-اق تالاس وزەنىنىڭ ارناسىنا سۋدىڭ كەلۋىن ۇلعايتۋ ماقساتىندا «قازسۋشار» رمك فيليالى مەملەكەتتىك شەكارا بويىندا كوللەكتورلىق-درەناجدىق جەلىلەردى تازارتۋدى جۇرگىزەدى. بۇل تالاسقا سۋدىڭ كەلۋىن 5-تەن 8 مەتر كۋب/سەكنۋدكە دەيىن ارتتىرۋعا جانە ەگىن شارۋاشىلىعىنداعى سۋ مولشەرىنىڭ شىعىنىن ازايتۋعا مۇمكىندىك بەرمەك.