ەلورداداعى بىرنەشە كوپقاباتتى ءۇيدىڭ تۇرعىندارى 6 ماۋسىم كۇنى كەشكىسىن ۇيلەرىنە سۋ بەرۋدى تالاپ ەتىپ كوشەگە شىقتى. بۇل تۋرالى جەرگىلىكتى جۇرتشىلىق حابارلادى، دەپ حابارلايدى "ادىرنا" پورتالى.
اكىمدىك بۇل جاعدايعا ءۇن قوسىپ، قۇرىلىس جۇرگىزىپ جاتقان Sat NS تۇرعىن ءۇي كەشەنىنىڭ سۋ جەلىلەرىن «استانا سۋ ارناسى» سەرىكتەستىگىنە ءالى بەرمەگەنىن ايتتى.
«قازىر قۇرىلىس كومپانياسىنا سۋ قۇبىرى جەلىلەرىن جالعاۋ بويىنشا قوسىمشا جۇمىستاردى جۇرگىزۋ قاجەت. جۇمىستار 1-2 كۇن ىشىندە جۇرگىزىلەدى دەپ جوسپارلانۋدا»، - دەلىنگەن اكىمدىك حابارلاماسىندا.
بۇل ماسەلەنى الماتى اۋدانىنىڭ اكىمى مەن استانا سۋ ارناسىنىڭ وكىلدەرى ءوز باقىلاۋىنا العانى ناقتىلاندى.
سونىمەن قاتار، ەلوردا اكىمى جەڭىس قاسىمبەك استانالىقتارعا قالاداعى اۋىز سۋ تاپشىلىعى تۋرالى ۆيدەوۇندەۋ جولداعان بولاتىن. اكىم الداعى اپتادا استانا سۋ قويماسىنان سۋ قۇبىرى سالىنىپ بىتەتىنىن، بۇل اۋىز سۋدىڭ شەكتەلۋىنە اكەلەتەنىن ايتتى. ول تامىز ايىندا قالاعا تاۋلىگىنە قوسىمشا 85 مىڭ تەكشە مەتر سۋ كەلەتىنىن دە ەسكە سالدى.
پوسموترەت ەتۋ پۋبليكاتسيۋ ۆ Instagram
