2019 جىلى پرەزيدەنت قاسىم-جومارت توقاەۆ NEET ساناتىنداعى جاستار سانىن جىلىنا كەم دەگەندە 1%-عا ازايتۋ جانە 2021 جىلى 6%-عا دەيىن تومەندەتۋ جونىندە ءتيىمدى شارالار قابىلداۋدى مىندەتتەگەن بولاتىن. ياعني جاستاردى جۇمىسپەن قامتىپ، ءبىلىم بەرۋ جوبالارىنا تارتۋعا باعىتتالعان بىرقاتار شارالاردى قابىلداۋدى تاپسىرعان ەدى.
وسىعان وراي، 12 تامىز – حالىقارالىق جاستار كۇنى قارساڭىندا، قالا اكىمى مۇرات ايتەنوۆتىڭ قولداۋىمەن شىمكەنتتە العاش رەت “بازار جاستار ليگاسى” باستاۋ الدى.
بۇگىندە جاستار رەسۋرستىق ورتالىعىنىڭ باستاماسىمەن بازار جاستارىن قولداۋ ماقساتىندا “بازار جاستار ۇيىمى” قۇرىلعان بولاتىن. قازىرگى تاڭدا، 9 بازاردا جاستاردى قولداۋ ۇيىمدارى جاستارمەن تىعىز بايلانىستا جۇمىس جاساپ كەلەدى.
8 تامىزدا باستاۋ العان ءتۋرنيردىڭ ءبىرىنشى كەزەڭى اياقتالىپ، ۇلدار اراسىنداعى كىشى فۋتبول مارەسىنە جەتتى. مۇنداي جارىستار، جاستارعا سالاۋاتتى ءومىر سالتىن ناسيحاتتاپ قانا قويماي، بوس ۋاقىتىن ءتيىمدى پايدالانۋعا مۇمكىندىك بەرمەك.
ايتا كەتۋ كەرەك، فۋتبول ويىنىنا قاتىسۋشىلار ارنايى تاعايىندالعان باس تورەشىنىڭ باقىلاۋىمەن جەرەبە تارتۋ ارقىلى كوماندالارعا ءبولىنىپ، باق سىنادى.
باس تورەشىنىڭ بەكىتكەن توپتىق ويىن كەستەسىنە سايكەس 16 كوماندا كەزەڭ-كەزەڭىمەن ويناپ، 1/4 كەزەڭىنە 8 كوماندا (سەۆەر ساۋدا ورتالىعى، تەحنودوم، اينا، بارىس، اۆتو-نۇر، كونە قالا، اكبار جانە جىبەك جولى بازارى ) جولداما الدى.
ماراپاتتاۋ راسىمىنە شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارما باسشىسى مۇراتجان شۇكىرحانۇلى ارنايى قاتىسىپ، بارشا جاستاردى 12 تامىز – حالىقارالىق جاستار كۇنىمەن جانە تۋرنيردە جەڭىسكە جەتكەن كوماندالاردى قۇتتىقتادى.
ىشكى ساياسات جانە جاستار ىستەرى جونىندەگى باسقارماسى باسشىسى ۇلدار اراسىندا وتكەن كىشى فۋتبول ويىنىنىڭ جۇلدەلى I-ورىن، II-ورىن جانە III-ورىن يەگەرلەرىن جانە ء"ۇزدى شابۋىلشى", "ۇزدىك قورعۋشى" جانە "ۇزدىك قاقپاشى" نوميناتسيا يەگەرلەرىنە «بازار جاستار ليگاسى» كۋبوگىن تابىستادى.
سونىمەن قاتار، جەڭىمپاز كوماندالارعا ديپلومدار مەن ارنايى سەرتيفيكاتتار بەرىلدى.
تۋرنير ناتيجەسىندە:
• I - ورىن – «اكبار» بازار كومانداسى(10-پلانشەت)
• II - ورىن – «كونە قالا» بازاوى كومانداسى(10-سمارتفون)
• III - ورىن – «بارىس» بازار كومانداسى (10-ۆەلوسيپەد)
ەسكە سالا كەتەيىك، ءتۋرنيردىڭ ەكىنشى كەزەڭى 14 تامىز كۇنى قىزدار اراسىندا ۆولەيبولدان وتەتىن بولادى.
