2019 jyly Prezıdent Qasym-Jomart Toqaev NEET sanatyndaǵy jastar sanyn jylyna kem degende 1%-ǵa azaıtý jáne 2021 jyly 6%-ǵa deıin tómendetý jóninde tıimdi sharalar qabyldaýdy mindettegen bolatyn. Iaǵnı jastardy jumyspen qamtyp, bilim berý jobalaryna tartýǵa baǵyttalǵan birqatar sharalardy qabyldaýdy tapsyrǵan edi.
Osyǵan oraı, 12 tamyz – Halyqaralyq jastar kúni qarsańynda, qala ákimi Murat Áıtenovtyń qoldaýymen Shymkentte alǵash ret “Bazar jastar lıgasy” bastaý aldy.
Búginde Jastar resýrstyq ortalyǵynyń bastamasymen bazar jastaryn qoldaý maqsatynda “Bazar jastar uıymy” qurylǵan bolatyn. Qazirgi tańda, 9 bazarda jastardy qoldaý uıymdary jastarmen tyǵyz baılanysta jumys jasap keledi.
8 tamyzda bastaý alǵan týrnırdiń birinshi kezeńi aıaqtalyp, uldar arasyndaǵy kishi fýtbol máresine jetti. Mundaı jarystar, jastarǵa salaýatty ómir saltyn nasıhattap qana qoımaı, bos ýaqytyn tıimdi paıdalanýǵa múmkindik bermek.
Aıta ketý kerek, fýtbol oıynyna qatysýshylar arnaıy taǵaıyndalǵan bas tóreshiniń baqylaýymen jerebe tartý arqyly komandalarǵa bólinip, baq synady.
Bas tóreshiniń bekitken toptyq oıyn kestesine sáıkes 16 komanda kezeń-kezeńimen oınap, 1/4 kezeńine 8 komanda (Sever saýda ortalyǵy, Tehnodom, Aına, Barys, Avto-NUR, Kóne qala, Akbar jáne Jibek joly bazary ) joldama aldy.
Marapattaý rásimine Shymkent qalasynyń ishki saıasat jáne jastar isteri jónindegi basqarma basshysy Muratjan Shúkirhanuly arnaıy qatysyp, barsha jastardy 12 tamyz – Halyqaralyq jastar kúnimen jáne týrnırde jeńiske jetken komandalardy quttyqtady.
Ishki saıasat jáne jastar isteri jónindegi basqarmasy basshysy uldar arasynda ótken kishi fýtbol oıynynyń júldeli I-oryn, II-oryn jáne III-oryn ıegerlerin jáne "Úzdi shabýylshy", "Úzdik qorǵýshy" jáne "Úzdik qaqpashy" nomınaııa ıegerlerine «Bazar jastar lıgasy» kýbogyn tabystady.
Sonymen qatar, jeńimpaz komandalarǵa dıplomdar men arnaıy sertıfıkattar berildi.
Týrnır nátıjesinde:
• I - oryn – «Akbar» bazar komandasy(10-planshet)
• II - oryn – «Kóne qala» bazaoy komandasy(10-smartfon)
• III - oryn – «Barys» bazar komandasy (10-velosıped)
Eske sala keteıik, týrnırdiń ekinshi kezeńi 14 tamyz kúni qyzdar arasynda voleıboldan ótetin bolady.
