جاستاردى سالاماتتىلىققا باۋلىعان “SHYMKENT FEST” مارەسىنە جەتتى
جاستاردى سالماقتىلىققا باۋلىعان “SHYMKENT FEST” مارەسىنە جەتتى
بۇگىن اباي ساياباعىندا شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارمانىڭ «جاستار رەسۋرستىق ورتالىعى» كمم-ءنىڭ ۇيىمداستىرۋىمەن شىمكەنت قالاسىندا العاش رەت وتكەن «Shymkent fest» جوباسىنىڭ جابىلۋ سالتاناتى ءوتتى.
ەكى اي مەرزىمگە سوزىلعان فەستيۆال 14 باعىتتا، 12 مەن 35 جاس جاستار اراسىندا، «حيتى ۆسەح ۆرەمەن»، «Tik-tok vs ناعىز بيشىلەر» بي باتل، Street workout-تان جاستار اراسىندا قالالىق جارىس جانە ماستەر-كلاسس، «Shym youth life» سكەيت جانە گراففيتي شوۋ، «NOSTALGIA GAME» بالالىق شاعىمنىڭ ويىندارى فەستيۆالى، «Modern» زاماناۋي جاستاردىڭ مۇمكىندىكتەرى تاقىرىبىندا ارنايى سۋرەت سالۋ بايقاۋى، ۇستەل تەننيسىنەن، «Brain blitz» ينتەللەكتۋالدى سايىسى جانە «Sky movie» كينو كورسەتىلىمى، ءان-بي جارىستارى ءوتتى.
«Shymkent fest» جوباسى - جاز مەزگىلىندە قالا جاستارىنىڭ بوس ۋاقىتىن ءتيىمدى ۇيىمداستىرۋعا، كوشە سپورت تۇرلەرىن جاستار اراسىندا كەڭىنەن دارىپتەۋ جانە سالاماتتى ءومىر سالتىن ۇستانۋعا باۋلۋعا باعىتتالعان بىرەگەي جوبا.
اتالمىش جوبانىڭ جابىلۋ سالتاناتىنا شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارما باسشىسىنىڭ ورىنباسارى سەرعازى كارىمۇلى قاتىسىپ، فەستيۆالعا اتسالىسىپ، بەلسەندىلىك تانىتقان جاستارعا العىسىن ايتىپ، قالا جاستارىن «12 تامىز — حالىقارالىق جاستار كۇنىمەن» قۇتتىقتادى.
سونىمەن قاتار، فەستيۆالگە بەلسەنە قاتىسىپ، جەڭىسكە جەتكەن جاستار ماراپاتتالدى. كەش ءان، بيگە جالعاستى.
