JASTARDY SALAMATTYLYQQA BAÝLYǴAN “SHYMKENT FEST” MÁRESINE JETTI
Jastardy salmaqtylyqqa baýlyǵan “SHYMKENT FEST” máresine jetti
Búgin Abaı saıabaǵynda Shymkent qalasynyń ishki saıasat jáne jastar isteri jónindegi basqarmanyń «Jastar resýrstyq ortalyǵy» KMM-niń uıymdastyrýymen Shymkent qalasynda alǵash ret ótken «Shymkent fest» jobasynyń jabylý saltanaty ótti.
Eki aı merzimge sozylǵan festıval 14 baǵytta, 12 men 35 jas jastar arasynda, «Hıty vseh vremen», «Tik-tok vs naǵyz bıshiler» bı batl, Street workout-tan jastar arasynda qalalyq jarys jáne master-klass, «Shym youth life» skeıt jáne graffıtı shoý, «NOSTALGIA GAME» balalyq shaǵymnyń oıyndary festıvali, «Modern» zamanaýı jastardyń múmkindikteri taqyrybynda arnaıy sýret salý baıqaýy, ústel tennısinen, «Brain blitz» ıntellektýaldy saıysy jáne «Sky movie» kıno kórsetilimi, án-bı jarystary ótti.
«Shymkent fest» jobasy - jaz mezgilinde qala jastarynyń bos ýaqytyn tıimdi uıymdastyrýǵa, kóshe sport túrlerin jastar arasynda keńinen dáripteý jáne salamatty ómir saltyn ustanýǵa baýlýǵa baǵyttalǵan biregeı joba.
Atalmysh jobanyń jabylý saltanatyna Shymkent qalasynyń ishki saıasat jáne jastar isteri jónindegi basqarma basshysynyń orynbasary Serǵazy Kárimuly qatysyp, festıvalǵa atsalysyp, belsendilik tanytqan jastarǵa alǵysyn aıtyp, qala jastaryn «12 tamyz — Halyqaralyq jastar kúnimen» quttyqtady.
Sonymen qatar, festıvalge belsene qatysyp, jeńiske jetken jastar marapattaldy. Kesh án, bıge jalǵasty.
