حالىق سانىنىڭ جىلدان-جىلعا ارتۋى مەن قالاعا كەلەتىن تۋريستەردىڭ كوبەيۋى تەمىرجول ۆوكزالىنىڭ جۇمىس جۇكتەمەسىن ارتتىرىپ قانا قويماي، سەرۆيستىك قىزمەتتى جاقسارتۋدى تالاپ ەتۋدە. قالانىڭ دامۋ جوسپارىنا سايكەس، تەمىرجول ۆوكزالىنىڭ عيماراتىن رەكونسترۋكتسيالاۋ جۇمىستارى قازىر قارقىندى جۇرگىزىلۋدە. بۇگىن قالا اكىمى مۇرات ايتەنوۆ جاۋاپتىلارمەن بىرگە قايتا قۇرۋ جۇمىستارىنىڭ بارىسىن قاداعالادى.
قازىرگى تاڭدا تەمىرجول ۆوكزالى 2- قاباتىنىڭ قۇرىلىس جۇمىستارى 80 پايىزعا، ءبىرىنشى قاباتى 30 پايىزعا ورىندالدى.
رەكونسترۋكتسيالاۋ جوباسىنا سايكەس، تەمىرجول ۆوكزالىنىڭ اۋماعى 2249,33 شارشى مەترگە ۇلعايادى. عيماراتتىڭ جولاۋشى وتكىزۋ قابىلەتى قازىر تاۋلىگىنە 2 مىڭ ادامدى قۇرايدى. قايتا قۇرۋدان كەيىن ۆوكزال تاۋلىگىنە 6 مىڭ ادامعا دەيىن قامتي الادى. سونداي-اق جوبادا عيماراتتىڭ ەكىنشى كىرەبەرىسى، جولاۋشىلارعا جايلى قىزمەت كورسەتەتىن زاماناۋي تالاپقا ساي ەكى كۇتۋ زالى قاراستىرىلعان. ۆوكزال عيماراتىنىڭ قاسبەتى مەگاپوليستىڭ ساۋلەتتىك كەلبەتىنە ساي جابدىقتالىپ، شىنى ۆيتراجدى جۇيەلەردەن جانە مەتالل كاسسەتالاردان جاسالادى.
قۇرىلىس جۇمىستارى 5 كەزەڭ بويىنشا جۇرگىزىلەدى. قازىر مونتاجداۋ جۇمىستارى جالعاسىپ، نىساندا جىلۋ، جارىق جۇيەلەرى تارتىلۋدا.
سونداي-اق، ءورت ءسوندىرۋ دابىلدارى، ينتەرنەت جۇيەسى جانە بەينەباقىلاۋ كامەرالارىن ورناتۋ جۇمىستارى اتقارىلۋدا. ال ءبىرىنشى قاباتتا قۇرىلىسشىلار كولوننالاردى كۇشەيتۋ جۇمىستارىن جۇرگىزۋدە. ۆوكزال عيماراتى رەسپۋبليكالىق ماڭىزى بار قالانىڭ ەرەكشەلىگىنە ساي قايتا قۇرىلىپ، جىل سوڭىنا دەيىن پايدالانۋعا بەرىلەدى. م. دۇيسەنبەكۇلى ۆوكزال قۇرىلىسىن جوباعا سايكەس اتقارىپ، نىساندى مەرزىمىندە قولدانىسقا بەرۋدى تاپسىردى. سونداي-اق جولاۋشىلارعا قولايلى بولۋ ءۇشىن جەلدەتكىش جۇيەسىن ءتيىستى تالاپتارعا ساي جۇرگىزۋدى ەسكەرتتى.
