Halyq sanynyń jyldan-jylǵa artýy men qalaǵa keletin týrısterdiń kóbeıýi temirjol vokzalynyń jumys júktemesin arttyryp qana qoımaı, servıstik qyzmetti jaqsartýdy talap etýde. Qalanyń damý josparyna sáıkes, Temirjol vokzalynyń ǵımaratyn rekonstrýkııalaý jumystary qazir qarqyndy júrgizilýde. Búgin qala ákimi Murat Áıtenov jaýaptylarmen birge qaıta qurý jumystarynyń barysyn qadaǵalady.
Qazirgi tańda temirjol vokzaly 2- qabatynyń qurylys jumystary 80 paıyzǵa, birinshi qabaty 30 paıyzǵa oryndaldy.
Rekonstrýkııalaý jobasyna sáıkes, temirjol vokzalynyń aýmaǵy 2249,33 sharshy metrge ulǵaıady. Ǵımarattyń jolaýshy ótkizý qabileti qazir táýligine 2 myń adamdy quraıdy. Qaıta qurýdan keıin vokzal táýligine 6 myń adamǵa deıin qamtı alady. Sondaı-aq jobada ǵımarattyń ekinshi kireberisi, jolaýshylarǵa jaıly qyzmet kórsetetin zamanaýı talapqa saı eki kútý zaly qarastyrylǵan. Vokzal ǵımaratynyń qasbeti megapolıstiń sáýlettik kelbetine saı jabdyqtalyp, shyny vıtrajdy júıelerden jáne metall kassetalardan jasalady.
Qurylys jumystary 5 kezeń boıynsha júrgiziledi. Qazir montajdaý jumystary jalǵasyp, nysanda jylý, jaryq júıeleri tartylýda.
Sondaı-aq, órt sóndirý dabyldary, ınternet júıesi jáne beınebaqylaý kameralaryn ornatý jumystary atqarylýda. Al birinshi qabatta qurylysshylar kolonnalardy kúsheıtý jumystaryn júrgizýde. Vokzal ǵımaraty respýblıkalyq mańyzy bar qalanyń ereksheligine saı qaıta qurylyp, jyl sońyna deıin paıdalanýǵa beriledi. M. Dúısenbekuly vokzal qurylysyn jobaǵa sáıkes atqaryp, nysandy merziminde qoldanysqa berýdi tapsyrdy. Sondaı-aq jolaýshylarǵa qolaıly bolý úshin jeldetkish júıesin tıisti talaptarǵa saı júrgizýdi eskertti.
