قازاقستان رەسپۋبليكاسى پارلامەنتى ءماجىلىسىنىڭ دەپۋتاتى مۇرات ابەنوۆ 2023 جىلدىڭ 20 تامىزى كۇنى قادىمنان جەتكەن ۇلتتىق تاريحي تاڭبالارىمىزدىڭ جويىلىپ بارا جاتقانىن ايتىپ، دابىل قاقتى، دەپ حابارلايدى "ادىرنا" ۇلتتىق پورتالى.
وزەكتى ماسەلە جايلى مۇرات ابەنوۆ بىلاي دەدى:
بۇگىن 2023 جىلدىڭ 20 تامىزىندا ءبىز قازاقستانداعى بىرەگەي ارحەولوگيالىق، تاريحي ورىن - قىزىلوردا وبلىسىندا قاراتاۋ بوكتەرىندەگى ساۋىسقاندىق شاتقالىندا ورنالاسقان ەلىمىزدەگى ەڭ كونە پەتروگليفتەرگە باردىق. بۇل قاسيەتتى ورىن قازاقستان اۋماعىنداعى كونە وركەنيەت ورتالىقتارىنىڭ ءبىرى بولعان. مۇنى عالىمدار دالەلدەگەن.
كەيىننەن ول بارشا قازاقستاندىقتاردى مادەني مۇرامىزدى كوزدىڭ قاراشىعىنداي ساقتاۋعا شاقىردى:
- 500 گەكتار اۋماقتا 8-10 مىڭ بەينەلەر (ادامدار، جانۋارلار، كۇيمەلەر) تاسقا قاشالعان. كەيبىر قاشالعان سۋرەتتەر قولا داۋىرىنە - ب.ز.ب. II مىڭجىلدىققا جاتادى. وكىنىشكە وراي، بىرەگەي تاريحي جادىگەر ايانىشتى كۇيدە. بۇل جەرگە 1 كم جاقىن جەردە ۆانادي وندىرەتىن كاسىپورىن ورنالاسقان جانە جۇمىس جاساۋ بارىسىندا جارىلىستى قولدانادى. تاۋ جىنىستارىنىڭ قۇرىلىمى وتە نازىك، تاباقشالى، كەز كەلگەن سىرتقى اسەر پەتروگليفتەردىڭ جويىلۋىنا الىپ كەلۋدە. وسى قارقىنمەن كەتە بەرسە، شۇعىل قورعاۋ شارالارى قابىلدانباسا، 4 مىڭ جىل تاريحى بار پەتروگليفتەردى 4-5 جىلدا جوعالتۋىمىز مۇمكىن. اۋماق قورعالماعان، قورشالماعان، باقىلاۋ جانە ەسەپكە الۋ جوق. ساۋىسكاندىقتىڭ پەتروگليفتەرىن ساقتايىق، - دەدى دەپۋتات.
"ادىرنا" ۇلتتىق پورتالى
