قوعام بەلسەندىسى ارمان شوراەۆ Orda Life YouTube-كانالىنا بەرگەن سۇحباتىندا ءماجىلىس سايلاۋىنا تۇسەتىنىن ءمالىم ەتتى، دەپ جازادى "ادىرنا" ۇلتتىق پورتالى.
"30 پايىز موجاريتارلىق وكرۋگتەردەن وتەدى دەيدى. ول دا جاقسى جاڭالىق قوي. بىراق قازىردىڭ وزىندە انادان-مىنادان قىزدار-جىگىتتەر حابارلاسىپ: "اكىمشىلىك وزدەرىنىڭ كانديداتتارىن دايىنداپ جاتىر. ءۇيتىپ جاتىر، ءبۇيتىپ جاتىر. ءبىزدى جىبەرمەيدى عوي" دەيدى. بيلىك تاراپىنان ۇلكەن قاتەلىك وسى. ەگەر شىنىمەن كەز-كەلگەن ازامات ەشقانداي بۇعاتتاۋسىز سول سايلاۋعا تۇسە السا، سايلاۋدا جەڭىپ شىقسا، ول بيلىك ءۇشىن دە، باسقالارى ءۇشىن دە ابىروي بولار ەدى. ويتكەنى، بىلەسىزدەر سوڭعى 20 جىل ءبىزدىڭ پارلامەنتتە تەك قانا بيلىكتىڭ ءسوزىن سويلەيتىن ازاماتتار وتىردى. ونىڭ ناتيجەسىن ءبارىمىز كورىپ وتىرمىز. ەگەر پارلامەنتكە كەرىسىنشە بيلىككە قارسى سويلەيتىن، حالىقتىڭ مۇنىڭ ايعايلاتىپ ايتا الاتىن ازاماتتار كەلسە، وندا بىزدە بىلتىرعىداي قاندى قاڭتار بولماۋشى ەدى. گازدىڭ باعاسىنان باستالدى. ول قاراپايىم حالىق ءۇشىن ۇلكەن پروبلەما. بىراق تا، وكىنىشكە قاراي دەپۋتاتتار ءۇن شىعارعان جوق. بىلتىر جازدان باستاپ قىسقا دەيىن سول گازدىڭ باعاسى كۇننەن-كۇنگە ءوسىپ بارا جاتقاندا بىردە-ءبىر دەپۋتات ء"اۋ" دەگەن جوق. سوندىقتان حالىق ءوزى ەشكىم ونى قورعاماعاسىن، ەشكىم ونىڭ مۇددەسىن جەتكىزبەگەسىن دالاعا شىقتى. ونىڭ سوڭى قانتوگىسكە اينالدى", - دەيدى شوراەۆ.
ارمان شوراەۆ ءماجىلىس سايلاۋىنا ءوزىنىڭ تۋىپ-وسكەن اقمولا وبلىسىنان ەمەس، ەلوردادان قاتىساتىنىن ايتتى.
"سايلاۋعا تۋعان ەلىمنەن تۇسپەيمىن. ويتكەنى تۋعان ەلىمدە اۋزىم كۇيگەن. مەن وسىدان 20 جىل بۇرىن سوڭعى موجاريتارلىق سايلاۋعا قاتىسقانمىن. سوندا قىزىق وقيعا بولعان. 12 بالاما كانديدات بولدىق. ءبىرىنشى تۋردا 70 پايىز الدىم. بىراق تا اكىمشىلىك 3 تاۋلىك ماعان بەرگەن بيۋللەتەندەردى جوققا شىعارىپ، 2 تۋرعا دا جىبەرگەن جوق. موجاريتارلىق جۇيە بويىنشا وبلىستاردان شىعۋ قيىن. ويتكەنى ءار ەلدى-مەكەندە سايلاۋ ۋچاسكەسى بار. اناۋ اۋىلدا، مىناۋ اۋىلدا دەگەن سياقتى... اقمولا وبلىسى - حالقى از بولسا دا، ۇلكەن وبلىستاردىڭ ءبىرى. ءار ۋچاسكىگە از دەگەندە 2 باقىلاۋشى قويۋ كەرەك. سوندىقتان بۇل بولمايتىن نارسە. ءوزىمنىڭ ناعاشى جۇرتىم تۇراتىن زەرەندى اۋدانى ءالى ەسىمدە... سول كەزدە بۇكىل اۋداننىڭ ماعان داۋىس بەرگەنىن بىلەمىن. بىراق تا، اۋدان اكىمى ءتۇڭىلىپ، سايلاۋ كوميسسياسىنان شىقپاي، ءۇيتىپ-ءبۇيتىپ مۇلدەم ماعان ءبىر داۋىس بەرگىزبەدى. بەرگەن داۋىستىڭ بارلىعىن جوققا شىعاردى. 20 جىلدا ەشتەڭە وزگەرگەن جوق. سوندىقتان مەن استانا قالاسىنان باق سىنايمىن",- دەپ مالىمدەدى قوعام بەلسەندىسى.
كەشە ارمان شوراەۆ قر پارلامەنتى ءماجىلىسىنىڭ دەپۋتاتتىعىنا ۇمىتكەر رەتىندە قۇجاتتارىن تاپسىردى.
"ارمان مىرزا استانا قالاسىنىڭ 2-ءشى وكرۋگىنا قۇجاتتارىن تاپسىردى!",- دەپ جازدى جۋرناليست دينا ەلگەزەك.
"ادىرنا" ۇلتتىق پورتالى
