Qazaqstan Respublikasy parlamentı majılısınıŋ deputaty Mūrat Äbenov 2023 jyldyŋ 20 tamyzy künı qadymnan jetken ūlttyq tarihi taŋbalarymyzdyŋ joiylyp bara jatqanyn aityp, dabyl qaqty, dep habarlaidy "Adyrna" ūlttyq portaly.
Özektı mäsele jaily Mūrat Äbenov bylai dedı:
Bügın 2023 jyldyŋ 20 tamyzynda bız Qazaqstandaǧy bıregei arheologiialyq, tarihi oryn - Qyzylorda oblysynda Qaratau bökterındegı Sauysqandyq şatqalynda ornalasqan elımızdegı eŋ köne petroglifterge bardyq. Būl qasiettı oryn Qazaqstan aumaǧyndaǧy köne örkeniet ortalyqtarynyŋ bırı bolǧan. Mūny ǧalymdar däleldegen.
Keiınnen ol barşa qazaqstandyqtardy mädeni mūramyzdy közdıŋ qaraşyǧyndai saqtauǧa şaqyrdy:
- 500 gektar aumaqta 8-10 myŋ beineler (adamdar, januarlar, küimeler) tasqa qaşalǧan. Keibır qaşalǧan suretter qola däuırıne - b.z.b. II myŋjyldyqqa jatady. Ökınışke orai, bıregei tarihi jädıger aianyşty küide. Būl jerge 1 km jaqyn jerde vanadii öndıretın käsıporyn ornalasqan jäne jūmys jasau barysynda jarylysty qoldanady. Tau jynystarynyŋ qūrylymy öte näzık, tabaqşaly, kez kelgen syrtqy äser petroglifterdıŋ joiyluyna alyp kelude. Osy qarqynmen kete berse, şūǧyl qorǧau şaralary qabyldanbasa, 4 myŋ jyl tarihy bar petroglifterdı 4-5 jylda joǧaltuymyz mümkın. Aumaq qorǧalmaǧan, qorşalmaǧan, baqylau jäne esepke alu joq. Sauyskandyqtyŋ petroglifterın saqtaiyq, - dedı deputat.
"Adyrna" ūlttyq portaly
Ūqsas jaŋalyqtar
