«قازمۇنايگاز» مۇناي كەن ورىندارىنىڭ ۇلەسىن رەسەيلىكتەرگە ساتپاق. بۇل تۋرالى «قازمۇنايگاز» ۇك» اق باسقارما توراعاسى ماعزۇم ميرزاعاليەۆ «لۋكويل» جاق باسشىلىعىمەن كەزدەسۋ وتكىزدى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەپ.
كەلىسسوزدەر بارىسىندا ىنتىماقتاستىقتىڭ اعىمداعى اسپەكتىلەرى مەن بىرلەسكەن قىزمەتتىڭ پەرسپەكتيۆالىق باعىتتارى تالقىلاندى. سونداي-اق كاسپي تەڭىزىنىڭ قايراڭىندا يگەرىلىپ جاتقان قالامقاس-تەڭىز، حازار، اۋەزوۆ جوبالارىنىڭ بارىسى تۋرالى پىكىر الماستى، دەپ حابارلايدى
اقپاراتقا سايكەس، ماعزۇم ميرزاعاليەۆ «قالامقاس-حازار وپەرەيتينگ» جشس-ءنىڭ 50 پايىزدىق ۇلەسىن لۋكويل پايداسىنا بەرۋدىڭ كورپوراتيۆتىك راسىمدەرىن تىركەۋ اياقتالۋعا جاقىن ەكەنىن اتاپ وتكەن. ول كەلىسسوزدەر بارىسىندا تولىق ءوزارا تۇسىنىستىك پەن داۋلى ماسەلەلەردىڭ جوقتىعىن اتاپ ءوتىپ، جوبانى جۇزەگە اسىرۋ كەزەڭىندە ءوزارا ءساتتى ارەكەتتەسەتىنىنە سەنىم ءبىلدىردى.
وقيعالار بويىنشا 9 اقپاندا استانادا «قازمۇنايگاز» ۇك» اق مەن «لۋكويل» جاق اراسىندا كاسپي تەڭىزىنىڭ قازاقستاندىق سەكتورىنداعى قالامقاس-تەڭىز، حازار، اۋەزوۆ ۋچاسكەلەرىن يگەرۋ تۋرالى بىرنەشە كەلىسىمگە قول قويىلعانىن اتاپ وتكەن ءجون. ونىڭ ىشىندە قاتىسۋشىلار كەلىسىمى، «قالامقاس-حازار وپەرەيتينگ» جشس (قكو) جارعىلىق كاپيتالىنداعى 50% قاتىسۋ ۇلەسىن ساتۋ-ساتىپ الۋ تۋرالى كەلىسىم جانە وپەراتسيالىق قىزمەتتى قارجىلاندىرۋ شارتتارى تۋرالى كەلىسىم بولدى.
ەسكە سالا كەتەيىك، «قازمۇنايگاز» پەن «لۋكويل كازاحستان Upstream» مۇناي بارلاۋ جوباسىن جاۋىپ جاتىر.
ۇقساس جاڭالىقتار
