باكۋ-تبيليسي-دجەيحان قۇبىر جۇيەسى ارقىلى مۇناي جونەلتۋ جۇمىستارى قايتا باستالدى. بۇل تۋرالى بۇگىن، 17 قىركۇيەكتە «قازمۇنايگاز» مالىمدەدى، دەپ حابارلايدى «ادىرنا» ءتىلشىسى.
«13 قىركۇيەكتە اقتاۋ پورتىنان باكۋ-تبيليسي-دجەيحان باعىتىنا قاراي قاشاعان مۇنايىنىڭ 8,8 مىڭ تونناسى جونەلتىلدى، كەلەسى پارتيا 20 قىركۇيەككە جوسپارلانىپ وتىر»،—دەلىنگەن حابارلامادا.
ەسكە سالا كەتسەك، اتالمىش باعىت بويىنشا مۇناي تاسىمالى بيىل تامىز ايىندا توقتاتىلعان ەدى.
بتد باعىتى بويىنشا 2025 جىلدىڭ 8 ايىندا قازاقستان مۇنايىن تاسىمالداۋ كولەمى 0,9 ملن توننانى قۇراعان.
2022 جىلى قمگ مەن ازەربايجاننىڭ SOCAR مەملەكەتتىك مۇناي كومپانياسى اراسىندا قازاقستان مۇنايىنىڭ ءترانزيتى تۋرالى باس كەلىسىمگە قول قويىلعان بولاتىن. 2024 جىلى قمگ ("قازمۇنايگاز") مەن SOCAR اراسىندا ازەربايجان رەسپۋبليكاسىنىڭ اۋماعى ارقىلى مۇناي ءترانزيتىن كەزەڭ-كەزەڭىمەن ۇلعايتۋ تۋرالى كەلىسىم جاسالدى.
ايتا كەتەيىك، باكۋ–تبيليسي–دجەيحان مۇناي قۇبىرى – كاسپي ايماعىنداعى ەڭ ءىرى ەنەرگەتيكالىق ينفراقۇرىلىم جوبالارىنىڭ ءبىرى. ونىڭ ۇزىندىعى شامامەن 1768 شاقىرىمدى قۇرايدى. قۇبىر ءازىربايجاننىڭ استاناسى باكۋدەن باستالىپ، گرۋزيا اۋماعى ارقىلى ءوتىپ، تۇركيانىڭ جەرورتا تەڭىزىندەگى دجەيحان پورتىنا شىعادى. قازاقستان مۇنايىن تاسىمالداۋدا بۇل - رەسەيدى اينالىپ وتەتىن باعىت.
