«QazMūnaiGaz» mūnai ken oryndarynyŋ ülesın reseilıkterge satpaq. Būl turaly «QazMūnaiGaz» ŪK» AQ Basqarma töraǧasy Maǧzūm Mirzaǧaliev «LUKOIL» JAQ basşylyǧymen kezdesu ötkızdı, dep habarlaidy “Adyrna” ūlttyq portaly Ulysmedia.kz saityna sıltep.
Kelıssözder barysynda yntymaqtastyqtyŋ aǧymdaǧy aspektılerı men bırlesken qyzmettıŋ perspektivalyq baǧyttary talqylandy. Sondai-aq Kaspii teŋızınıŋ qairaŋynda igerılıp jatqan Qalamqas-teŋız, Hazar, Äuezov jobalarynyŋ barysy turaly pıkır almasty, dep habarlaidy
Aqparatqa säikes, Maǧzūm Mirzaǧaliev «Qalamqas-Hazar Opereiting» JŞS-nıŋ 50 paiyzdyq ülesın LUKOIL paidasyna berudıŋ korporativtık räsımderın tırkeu aiaqtaluǧa jaqyn ekenın atap ötken. Ol kelıssözder barysynda tolyq özara tüsınıstık pen dauly mäselelerdıŋ joqtyǧyn atap ötıp, jobany jüzege asyru kezeŋınde özara sättı ärekettesetınıne senım bıldırdı.
Oqiǧalar boiynşa 9 aqpanda Astanada «QazMūnaiGaz» ŪK» AQ men «LUKOIL» JAQ arasynda Kaspii teŋızınıŋ qazaqstandyq sektoryndaǧy Qalamqas-teŋız, Hazar, Äuezov uchaskelerın igeru turaly bırneşe kelısımge qol qoiylǧanyn atap ötken jön. Onyŋ ışınde qatysuşylar kelısımı, «Qalamqas-Hazar Opereiting» JŞS (QKO) jarǧylyq kapitalyndaǧy 50% qatysu ülesın satu-satyp alu turaly kelısım jäne operasiialyq qyzmettı qarjylandyru şarttary turaly kelısım boldy.
Eske sala keteiık, «QazMūnaiGaz» pen «Lukoil Kazahstan Upstream» mūnai barlau jobasyn jauyp jatyr.
Ūqsas jaŋalyqtar
