بيلىك فەيزبۋكتى جابا المايدى

530

مەنىڭ ويىمشا ەلباسىنىڭ كەلەسى سايلاۋعا تۇسپەي كەرى شەگىنۋىندە مارك تسۋكەربەرگتىڭ ۇلەسى زور. فەيسبۋكتى ويلاپ تاپپاعاندا قازاقستان xالقى ءالى دە 1997 جىلعى كوزقاراستا وتىرۋشى ەدى. "حابار" مەن "ەگەمەننىڭ" پروپاگانداسىنا سەنىپ وتىرعان xالقى بولسا ەلباسى دا ءالى سايلاۋعا تۇسە بەرۋشى ەدى. ونداي xالقىم بولسا مەن دە تۇسە بەرۋشى ەدىم عوي نەگىزى. حالقىڭنىڭ ساياسي ساناسى مۇمكىندىك بەرىپ تۇرسا نەگە تۇسپەسكە؟! بىراق، جاعداي ەلباسى ءۇشىن ولاي بولماي شىقتى. سوڭعى جىلدارى قوعام ءوز نارازىلىعىن اشىق تا باتىل جازىپ ءجۇردى. قازىرگى جۇيەنىڭ كەمشىلىگىن، كەلىسپەيتىن تۇستارىن باتىل ايتىپ، كوزقاراسىن بىلدىرۋدەن قورىقپايتىن ەل ازاماتتارى كۇن ساناپ وسە باستادى. ءتىپتى سوڭعى جىلدارى بارىنە كىنانى بيلىكتىڭ بارلىق تىزگىنىن قولىندا ۇستاعان ەلباسىدان ىزدەي باستادى. سانا مەن ساياسي مادەنيەت ءسال دە بولسا العا جىلجىدى. سەڭ قوزعالدى. ارى قاراي بۇل جۇيەگە xالىقتىڭ توزگىسى كەلمەيتىنى كورىنىپ-اق تۇردى. ەلدىڭ ءار تۇكپىرىنەن قاتقىل داۋىستار ەلباسىنىڭ ادرەسىنە ايتىلا باستادى. وسىنىڭ ءبارى مارك كوكە ويلاپ تاپقان فەيسبۋكتىڭ ارقاسىندا بۇكىل xالىققا تارالىپ جاتتى.

بيلىك بۇل پروتسەسپەن كۇرەسپەدى ەمەس، كۇرەسىپ باقتى. بلوگەرلەر جالداپ xالىقتىڭ ويىن باسقا تاقىرىپتارعا بۇرۋعا تىرىستى. بولمادى. مەملەكەتتىك تەلەارنالار ارقىلى انشىلەردىڭ ويىن-ساۋىعىن ءجيى-ءجيى بەرىپ، جەتىستىكتى ماقتايتىن پروپاگاندانى كۇشەيتىپ كوردى. بىراق، ەسكى تەلەارنالاردان زاماناۋي ترەند الەۋمەتتىك جەلى جىلدام ءارى شىنايى اقپاراتتارىمەن وزىق تۇردى. ماقتاۋ مەن ماداقتاۋدان جۇرەگى اينىپ جۇرگەن xالىق، تەلەديداردى كورسە قۇسقىسى كەلەتىن دەڭگەيگە جەتتى! ينەتتى ءوشىرىپ تە كوردى. بولمادى. بۇل xالىقتىڭ جۇيەگە دەگەن نارازىلىعىن ودان بەتەر ارتتىرىپ جىبەردى.

قوعامداعى بۇل وزگەرىستىڭ ءبارىن ەلباسى مەن بيلىك سەزىپ-اق تۇردى. ادامزاتتىڭ، تەxنولوگيانىڭ دامۋىنان قاشىپ قايدا باراسىڭ؟! ەلدەن قۋىلىپ جاتقان پرەزيدەنتتەردىڭ قاتارىنان بولمايىن دەگەن ەسەپپەن ءبىر قادام ارتقا شەگىنىس جاسايتىن شەشىم قابىلداۋعا ءماجبۇر بولدى.

نەگىزى مارك تسۋكەربەرگ الەمدەگى تالاي اۆتوكرات پرەزيدەنتتەردىڭ تاعدىرىن وزگەرتتى. بۇگىنگى تاڭدا ءاربىر قازاقستاندىق ءوز ويىن اشىق جەتكىزە السا مۇندا سول جەتكىزە الاتىن تەxنولوگيانى جاساپ شىعارعان ماكەڭنىڭ ۇلەسى ۇشان تەڭىز. وسى ەڭبەگى ءۇشىن نۇر-سۇلتان قالاسىنان ءبىر كوشەنىڭ اتىن دا بەرۋگە بولار ەدى. كوشەنىڭ سالتاناتتى اشىلۋىنا مارك كوكە ءوزى كەلىپ قاتىسسا تاماشا ەمەس پە؟.....

قاپ، وسى بار عوي اينالىپ كەلىپ ءسال جەتىستىككە جەتكەننىڭ بارىنە كوشە اتىن بەرگىم كەلىپ تۇراتىنى نەسى ەيي.  الدىڭعى بۋىن اعالاردىڭ ەلباسىنا ايتقان جاعىمپاز جولىنا ءتۇسىپ كەتە بەرەمىن شە)).  بۇل دەگەنىڭ زارازنىي بالە ەكەن عوي. بارىنە كوشە اتىن پوداريت ەتكىم كەلىپ تۇرادى. 30 جىلدا ۇيرەنىپ، بويعا ءسىڭىپ كەتكەن عوي دەيمىن. قوي، وسى جەردەن توقتايىن

باۋىرجان سەرىكباەۆ

پىكىرلەر