وقۋ جىلىن 3 توقسانعا، وقۋ كۇنىن اپتاسىنا 4 كۇنگە قىسقارتۋ كەرەك!
ءيا، ءبىزدىڭ جۇرتقا وسىنداي شەشىم ۇنايدى. وسىنداي شەشىمدەر بولسا شاپالاقتاپ قول سوعادى. بىراق...
باياعىدا مەكتەپ 6 كۇندىك وقۋدان 5 كۇندىك وقۋعا كوشتى. ءبىر جىلدا 34 وقۋ كۇنى قىسقاردى. بىراق، بالالاردىڭ ءبىلىم الۋعا ءتيىستى 34 كۇنى قايدا كەتتى دەپ ەشكىم شۋلاعان جوق. بالالار جىلىنا 181-182 كۇن ساباعىن 147-148 كۇن وقيتىن كۇن بولدى. بىراق، بالاعا تۇسەتىن سالماقتى قالاي شەشۋدى ەشكىم دە ويلاعان جوق.
مينيسترلىك 3-4 جىلدان كەيىن قاتەلىك كەتكەنىن ءتۇسىندى، وبرازدى تۇردە ايتقاندا 182 كۇننىڭ تاماعىن 148 كۇندە جەسە دەنساۋلىققا زيان ەكەنىن سەزىندى. سەزىندى دە، 10 كۇن بولسا دا سالماق ازايتايىق دەپ ەكى اپتاعا وقۋ جىلىن ۇزارتتى. ال، شۋلا، شۋلاي ءتۇس بولدى. زاڭگەر بالالاردىڭ كانيكۋلىن ۇرلادى سوتقا بەرەم دەدى. بىراق، وعان الەم بالالارى قالاي وقيتىنى، كاسىبي ەكسپەرتتەر پىكىرى بەس تيىن ەدى. ءۇش اۋىسىمدى مەكتەپتە، اپاتتىق مەكتەپتە وقيتىن بالالار تۋرالى سوتقا بەرەم دەگەن زاڭگەر بولماپ ەدى...
- الەمدە ەڭ ۇزاق وقيتىن ەل 43 اپتا 215 كۇن وقيدى. الەمدە ورتاشا وقۋ كورسەتكىشى 182 كۇن. ياعني 365 كۇننىڭ جارتىسى وقيدى.
ءبىز 147 كۇن، ءيا، 365 كۇننىڭ ىشىندە نەبارى 147 كۇن وقيمىز.
- الەمدىك قاۋىمداستىقتا ءبىلىمى ساپالى ەلدىڭ ءبارى 12 جىل وقيدى، ءبىز 11 جىل وقيمىز.
- الەمدە ءبىلىمى دۇرىس ەلدىڭ ءبارىنىڭ بالاسى ءبىر اۋسىمدى مەكتەپتە كۇنى بويى وقيدى. ءبىز 2-3 اۋىسىمدى مەكتەپكە جارتى كۇنگە جەتەر جەتپەس وقيمىز.
ال، ەندى ساپا تۋرالى، ءبىزدىڭ بالالاردىڭ حالىقارالىق باسەكەگە قابىلەتتىلىگى تۋرالى قالاي ايتامىز؟
دۇنيە ءجۇزى بانكىنىڭ ەلىمىزدەگى ادامي كاپيتالدىڭ ساپاسى تۋرالى زەرتتەۋلەر ادام شوشىتادى. ونى راۋان كەنجەحان مىرزا ايتىپ ءجۇر ءار جەردە كورسەتىپ.
ەسىتۋگە قاراعاندا جاڭا مينيسترلىك وقۋ اپتاسىن 36 دان قايتادان 34 كە ءتۇسىرۋ تۋرالى شەشىم قابىلداپتى. ادەمى پوپۋليستىك شەشىم. كوپكە جاعادى، ال، كاسىبي زەرتتەۋلەر دىم قىزىق ەمەس. جاڭا مينيسترلىكتىڭ سىيقى وسى، دۇرىس شەشىمدەردى پوپۋليستىك مۇددەگە پايدالانىپ وزگەرتە سالادى.
وندا كوپكە ۇنايدى شەشىم ايتايىن وقۋ جىلىن 3 توقسانعا قىسقارتىپ، وقۋ كۇنىن 4 كۇنگە تۇسىرە سالىڭدار. نە ىستەيسىڭدەر باستىسى جۇرتقا ۇنايتىن شەشىم!
كەيدە كوپكە ۇنامايتىن، بىراق، دۇرىس شەشىمدەر قابىلداۋعا تۋرا كەلەتىن كەزدەر بولادى. سەبەبى، عىلىم كوپتىڭ ىڭعايىنا ەمەس، زەرتتەۋگە سۇيەنۋ كەرەك. ايتپەسە ءالى جەر شارىن كۇن اينالادى دەپ جۇرەتىن ەدىك قوي. جەردىڭ اينالاتىنىن گاليلەيدەن باسقا دا كوپ ادام بىلگەن. بىراق ولاردىڭ بالا-شاعاسى بار ەدى، - دەيتىن بە ەدى اقىن ەۆگەني ەۆتۋشەنكو.
ابايدىڭ كوپ تۋرالى ءسوزىن ايتسام، مەن ايتقانداي ءبىرازىڭىز رەنجيسىزدەر، ءا؟
قازاقستان PIZA دا ارتتا، قازاقستان انا ءبىلىم ساپاسى تۋرالى رەيتينكتە ارتتا، ءبىلىم جوق دەيمىز!
جوعارىداعى مەن كورسەتكەن تسيفردى قاراڭىزشى. ارينە وزگەلەردىڭ 3, كۇن جەيتىن تاماعىن 2 كۇندە جەسەڭىز سىزدە دەنساۋلىق بولمايدى. ءبىلىم دە سول!
ءبىلىم عىلىمى وزعان ەلدەر تۋرالى ايتساڭ، اۋەلى دامىپ الايىق سوسىن وقيمىز دەيتىنىن قايتەيىك. ەۋ، اينالايىن، ءبارى دامۋ ءۇشىن قادامدار عوي. عىلىم ءبىلىم دامىماي، ودان قاشىپ ەل بولمايمىز!
بولمايتىن 25 مامىر مەن شىركەۋدىڭ قوڭىراۋىنان كەلگەن قوڭىراۋ داۋىسىنان سيمۆولدىق ءمان ىزدەگەن جۇرتقا نە دەۋگە بولادى...
ءجا، قازاققا ءبىلىم، ءبىلىم ساپاسى كەرەك پە ءوزى؟ جۇرە بەرسىن دا تويلاپ(((
P.S. ءدال قازىر مەنى دە 34 اپتانى قولدايتىن جۇرت تالاپ جەيسىزدەر عوي، جەي بەرىڭىزدەر!
جۇيەگە، دالەلگە جىعىلمايتىن ادامداردى جەڭۋ مۇمكىن ەمەس ەكەنىن جاقسى بىلەمىن.
كوپتىڭ ءسوزى شىنعا اينالسا!
ايتىلماي،
تالاي ويلار ىشتە ولەدى ىڭىرسىپ...
ۇقساس جاڭالىقتار
