Oqu jylyn 3 toqsanǧa, oqu künın aptasyna 4 künge qysqartu kerek!
İä, bızdıŋ jūrtqa osyndai şeşım ūnaidy. Osyndai şeşımder bolsa şapalaqtap qol soǧady. Bıraq...
Baiaǧyda mektep 6 kündık oqudan 5 kündık oquǧa köştı. Bır jylda 34 oqu künı qysqardy. Bıraq, balalardyŋ bılım aluǧa tiıstı 34 künı qaida kettı dep eşkım şulaǧan joq. Balalar jylyna 181-182 kün sabaǧyn 147-148 kün oqityn kün boldy. Bıraq, balaǧa tüsetın salmaqty qalai şeşudı eşkım de oilaǧan joq.
Ministrlık 3-4 jyldan keiın qatelık ketkenın tüsındı, obrazdy türde aitqanda 182 künnıŋ tamaǧyn 148 künde jese densaulyqqa ziian ekenın sezındı. Sezındı de, 10 kün bolsa da salmaq azaitaiyq dep ekı aptaǧa oqu jylyn ūzartty. Al, şula, şulai tüs boldy. Zaŋger balalardyŋ kanikulyn ūrlady sotqa berem dedı. Bıraq, oǧan älem balalary qalai oqityny, käsıbi ekspertter pıkırı bes tiyn edı. Üş auysymdy mektepte, apattyq mektepte oqityn balalar turaly sotqa berem degen zaŋger bolmap edı...
- Älemde eŋ ūzaq oqityn el 43 apta 215 kün oqidy. Älemde ortaşa oqu körsetkışı 182 kün. Iаǧni 365 künnıŋ jartysy oqidy.
Bız 147 kün, iä, 365 künnıŋ ışınde nebärı 147 kün oqimyz.
- älemdık qauymdastyqta bılımı sapaly eldıŋ bärı 12 jyl oqidy, bız 11 jyl oqimyz.
- älemde bılımı dūrys eldıŋ bärınıŋ balasy bır ausymdy mektepte künı boiy oqidy. Bız 2-3 auysymdy mektepke jarty künge jeter jetpes oqimyz.
Al, endı sapa turaly, bızdıŋ balalardyŋ halyqaralyq bäsekege qabılettılıgı turaly qalai aitamyz?
Dünie jüzı bankınıŋ elımızdegı adami kapitaldyŋ sapasy turaly zertteuler adam şoşytady. Ony Rauan Kenjehan myrza aityp jür är jerde körsetıp.
Esıtuge qaraǧanda jaŋa ministrlık oqu aptasyn 36 dan qaitadan 34 ke tüsıru turaly şeşım qabyldapty. Ädemı populistık şeşım. Köpke jaǧady, al, käsıbi zertteuler dym qyzyq emes. Jaŋa ministrlıktıŋ syiqy osy, dūrys şeşımderdı populistık müddege paidalanyp özgerte salady.
Onda köpke ūnaidy şeşım aitaiyn oqu jylyn 3 toqsanǧa qysqartyp, oqu künın 4 künge tüsıre salyŋdar. Ne ısteisıŋder bastysy jūrtqa ūnaityn şeşım!
Keide köpke ūnamaityn, bıraq, dūrys şeşımder qabyldauǧa tura keletın kezder bolady. Sebebı, ǧylym köptıŋ yŋǧaiyna emes, zertteuge süienu kerek. Äitpese älı jer şaryn kün ainalady dep jüretın edık qoi. Jerdıŋ ainalatynyn Galileiden basqa da köp adam bılgen. Bıraq olardyŋ bala-şaǧasy bar edı, - deitın be edı aqyn Evgenii Evtuşenko.
Abaidyŋ köp turaly sözın aitsam, men aitqandai bırazyŋyz renjisızder, ä?
Qazaqstan PIZA da artta, Qazaqstan ana bılım sapasy turaly reitinkte artta, bılım joq deimız!
Joǧarydaǧy men körsetken sifrdy qaraŋyzşy. Ärine özgelerdıŋ 3, kün jeitın tamaǧyn 2 künde jeseŋız sızde densaulyq bolmaidy. Bılım de sol!
Bılım ǧylymy ozǧan elder turaly aitsaŋ, äuelı damyp alaiyq sosyn oqimyz deitının qaiteiık. Eu, ainalaiyn, bärı damu üşın qadamdar ǧoi. Ǧylym bılım damymai, odan qaşyp el bolmaimyz!
Bolmaityn 25 mamyr men şırkeudıŋ qoŋyrauynan kelgen qoŋyrau dauysynan simvoldyq män ızdegen jūrtqa ne deuge bolady...
Jä, qazaqqa bılım, bılım sapasy kerek pe özı? Jüre bersın da toilap(((
P.S. däl qazır menı de 34 aptany qoldaityn jūrt talap jeisızder ǧoi, jei berıŋızder!
Jüiege, dälelge jyǧylmaityn adamdardy jeŋu mümkın emes ekenın jaqsy bılemın.
Köptıŋ sözı şynǧa ainalsa!
Aitylmai,
Talai oilar ışte öledı yŋyrsyp...
Ūqsas jaŋalyqtar
