ال مەكتەپ فورماسى توڭىرەگىندەگى داۋ تىيىلار ەمەس. بۇگىن كاسىپكەرلەر دە ءمينيستردىڭ شەشىمىنە شاعىمدانۋدا. ال كەي اتا-انالار كلاسسيكالىق كيىم بالالار اراسىنداعى الەۋمەتتىك تەڭدىكتى بۇزىپ، وقۋشىلاردىڭ اراسىندا باسەكەلەستىك تۋدىرتىنىن ايتادى. بۇل تۋرالى «ەۋرازيا» ءبىرىنشى ارناسى حابارلايدى.
مەكتەپ فورماسى مىندەتتى بولمايدى! باس ۇستاز اسحات ايماعامبەتوۆتىڭ وسى شەشىمى الەۋمەتتىك جەلىدە قىزۋ تالقىلانۋدا. اتا-انالاردىڭ ءبىرى ونى جاقتاسا، وزگەسى كيىم ۇلگىسىن مىندەتتەۋ قاجەت دەپ ەسەپتەيدى.
«بايدىڭ بالاسى گلامۋرنىي جەيدە كيىپ، كەدەيدىڭ بالاسى جۇرتتان سۇراپ العان كيىمىن كيىپ باراتىنى بەلگىلى. كيىمىنە قاراپ بالانى الالاۋدىڭ كوكەسى ەندى باستالادى..»
«ناقتى ايتۋ كەرەك. فورما دەپ. بارىنە بىرىڭعاي فورما دەپ. كلاسسيكالىق دەگەندى قايدان شىعارىپ وتىر...»
«وقۋشىلار فورما كيگەنى دۇرىس، ولاي بولماعان جاعدايدا وقۋشىلار اراسىندا كيىم كيۋ باسەكەسى باستالادى...»
قوعام بەلسەندىسى، ءارى مەكتەپ ديرەكتورى اياتجان احمەتجان دا ءمينيستردىڭ پىكىرىمەن كەلىسىپەيتىنىن ايتادى. ويتكەنى از قامتىلعان وتباسىدان شىقان وقۋشى ءۇشىن الگى شەشىم اۋىر بولادى.
اياتجان احمەتجان، № 90 مەكتەپ گيمنازياسىنىڭ ديرەكتورى:
«بىرەۋى بەس كۇندە بەس ءتۇرلى كيىم كيسە، بىرەۋى ءبىر كيىممەن جۇرسە ەرتەڭ بالالاردىڭ پسيحولوگياسىمەن اسەر ەتەدى. ويتكەنى ول - بالا. جارىسادى ءبارىبىر. 0141 مەكتەپتىڭ كيىمىن ءبىر نورماعا رەتتەۋ كەرەك دەپ ويلايمىن.. كلاسسيكانى اركىم ءارتۇرلى تۇسىنەدى. مىناداي دەگەن ستاندارت جوق».
قوعامدا ۇلكەن رەزوناس تۋدىرعان ماسەلە كاسىپكەرلەردى دە بەي-جاي قالدىرمادى. سەبەبى جاڭا وقۋ جىلىنا بىركەلكى كيىمدەردى الدىن الا تىگىپ قويعان.
اقسۇلۋ اشكەنقىزى، كاسىپكەر:«رۇقسات بەرگەنەن كەيىن وقيدى دەگەنەن كەيىن ساتۋ كەرەك، ءبىز بانكروت بولامىز، ولارعا قايدان اقشا تاۋىپ بەرەمىز. جابىلادى دەگەن ءسوز، 1,5 جىلدان بەرى فورماسى ساتىلماي جاتىر. بىزدە پەتروپاۆلدا شۆەينىي فابريكا بار، 30-45 ادام ىستەيدى، جۇمىسسىز قالادى».
بيبىگۇل كۇلشىكباەۆا، كاسىپكەر:«اتا-انا رەتىندە ايتاتىن بولسام، ءبىر يۋبكا الايىق، الماي قويىڭىز، 55 كوفتا بولسا، 11 مىڭ بولادى. ول فورمانى ءبىر جىل بويى كيەدى، جاي كيىم بولسا ونى كۇنىگە اۋىستىرۋ كەرەك بولادى.
ۆەدوستۆا باسشىسى مۇنداي شەشىمدى ەلدەگى ەپيداحۋالمەن بايلانىستىرۋدا. سەبەبى بىراقاتار ەلدىمەكەندە كارانتيندىك شەكتەۋلەر كۇشەيتىلگەن. ال دۇكەندەگى ۇزىن-سونار كەزەك كوۆيد جۇقتىرۋ قاۋىپىن جوعارلاتۋ مۇمكىن.
ءمولدىر ابدۋاليەۆا، قر ءبىلىم جانە عىلىم مينيسترلىگى ءباسپاسوز قىزمەتىنىڭ جەتەكشىسى:«ءوز تاراپىنان اسحات ايماعامبەتوۆ شەشىم قابىلدادى. ول مىندەتتى بولمايدى. ەگەر اتا-انا مەكتەپ فورماسىمەن بارعاندى قالاسا، ارينە قۇپتايمىز، وتباسىنىڭ الەۋمەتتىك جاعدايى وندا كلاسسيكالىق ستيلدە بارۋىنا مۇمكىندىك بار».
ايتا كەتەيىك، وقۋشىلاردىڭ الداعى وقۋ جىلىندا كانيكۋلدارىنىڭ مەرزىمى دە بەكىتىلدى. 1-11 سىنىپ وقۋشىلارى كۇزدە 7, قىستا 11, ال كوكتەمدە 12 كۇن دەمالادى. ءبىرىنشى سىنىپ وقۋشىلارىندا اقپان ايىنىڭ باسىندا قوسىمشا تاعى دەمالىس بەرىلەدى.
