فوتو: قورعانىس مينيسترلىگى
جەلتوقسان ايىنىڭ العاشقى كۇندەرى قارۋلى كۇشتەردىڭ بارلىق بولىمدەرى جوعارى دەڭگەيدەگى جاۋىنگەرلىك دايىندىققا كوشەدى. قورعانىس مينيسترلىگى جاڭا ماشىقتانۋ جىلى باستالعانىن رەسمي تۇردە ءمالىم ەتتى، دەپ حابارلايدى “ادىرنا”.
بولىمدەر وقۋ پوليگوندارى مەن وقۋ ورتالىقتارىنا جوسپارلى مارشتار جاسايدى.
جەكەلەگەن بولىمشەلەر كەشەندى جاۋىنگەرلىك دايىندىق ساباقتارى وتەتىن ورىندارعا اۋە، تەمىرجول جانە اۆتوكولىك كولىگىمەن جەتكىزىلەدى.
“اتالعان كەزەڭدە قاۋىپسىزدىكتى قامتاماسىز ەتۋ ماقساتىندا وڭىرلەردەگى جولداردىڭ كەيبىر ۋچاسكەلەرىندە كولىك قوزعالىسىن ۋاقىتشا شەكتەۋ مۇمكىن ەكەنىن ەسكەرتەمىز”، – دەلىنگەن حابارلامادا.
قورعانىس مينيسترلىگى وسىعان بايلانىستى ازاماتتار مەن بۇقارالىق اقپارات قۇرالدارىنىڭ وكىلدەرىنەن تەك رەسمي اقپارات كوزدەرىنە سۇيەنىپ، تەكسەرىلمەگەن مالىمەتتەردى تاراتپاۋعا شاقىردى.
