جۋرناليست بيبىگۇل داۋلەتبەكقىزى قازاق شوۋ-بيزنەس وكىلدەرىنىڭ تۇركيا مەن اراب ەلىنە قارجى قۇيىپ، ەكى ەلدى بايىتقاندارىن سىنعا الدى. اۆتوردىڭ ايتۋىنشا، قازىر ەكىنىڭ ءبىرى، ەگىزدىڭ سىڭارى "ۋمرادا ءجۇرمىن" دەگەن سۋرەتتەرىن جارىسا جاريالايتىن بولعان. سونىمەن قاتار، ءجۋرناليستىڭ ايتۋىنشا، كۇنى كەشە دەنەسىن جالاڭاشتاپ، بۇگىن ورامالعا بۇركەنگەندەر مەن تۇركيادا ءومىر سۇرەتىندەر ەل ىشىنە ىرىتكى سالىپ، قازاقتى اۋعانستان جولىنا قاراي باعىتتاپ وتىر. بۇل جايلى "ادىرنا" ۇلتتىق پورتالى جازدى.
جۋرناليست بيبىگۇل داۋلەتبەكقىزى ءوز پىكىرىن بىلايشا ءبىلدىردى:
- ينستاگرامدى اشساڭ بولدى الدىڭنان مەككەدە جۇرگەن شوۋ-بيزنەستەردىڭ سايقىمازاقتارى: "ۋمرادا ءجۇرمىن" دەگەن سۋرەتتەرىن جارىسا سالۋدا. كەشە عانا دوتەنىن جالتىراتىپ جۇرگەن انشىلەرىڭ ورامالعا بۇركەنىپ جاتىر شەتتەرىنەن.ءجا، ءوز قالاۋى. بىراق سوبىرەۋلەر ميلليونداعان قىز-كەلىنشەكتەردىڭ ميىن ۋلايدى دا، سول حيدجابىن قايتا شەشىپ تاستايتىنىنا جىنىم ۇستايدى!نەمەنە مودا بولىپ كەتكەن بە مەككەگە بارۋ؟!سولارعا قويار سۇراعىم: سەندەر ءوزى سوڭعى رەت بۇل دۇنيەدەن وتكەن اتا-اجەلەلەرىڭنىڭ، جاقىندارىڭنىڭ زيراتىنا قاشان باردىڭدار؟ارۋاق ريزا بولماي - ءتىرى بايىمايدى.وسىلاي كەتە بەرسەك، ءبىر كۇنى اۋعان ەلىنە اينالامىز با دەپ قورقامىن!ا، ايتپاقشى، كەشە مۇحامەدجان تازابەكوۆ الماتىدا قىزىن ۇزاتىپ، ول تويعا بەكبولات تىلەۋحاننان باستاپ بۇكىل انشىلەر، ىعايلار مەن سىعايلار بولىپتى عوي. "تويداعى ايەلدەردىڭ ءبارى بۇركەنىپ العان حيدجاپقا، قۇددى ساۋد اراب ەلىندە جۇرگەندەي بولدىم" دەپ ايتىپ جاتىر بارعاندار. جەتىسكەن ەكەنبىز دەدىم.قىزىق دەيمىن دە... بۇل كىسىلەر تۇركيادا ءومىر سۇرەدى، تويلارىن ەلدە جاسايدى، - دەپ جازدى جۋرناليست.
سونىمەن قاتار، وتكىر جازىپ، كەسىپ ايتۋعا ماشىقتانعان جۋرناليست كەزەكتى جازباسىندا قازاقتىڭ باسىن اينالدىرىپ، ەلدى اداستىرعانداردى سىنادى. قازاق، وزبەك، قىرعىزدىڭ قام-قارەكەتىن شەندەستىردى.
- تۇركيا مەن اراب ەلى قازاقستانعا ىرزا شىعار. وسى ەكى ەلدى الگى سايقىمازاقتار مەن انشىلەر جارنامالاپ ابدەن بايىتتى. حيدجاپقا ورانىپ الىپ اندەتىپ، ودان قالدى ءتۇپسانالارىن وياتامىن دەگەن پسيحولوگسىماقتارى ەلدى اداستىرىپ بولدى. سولاردى ەلىمىزدىڭ ساتقىندارى دەر ەدىم! سەبەبى، ەلىن ويلاسا، قارجىنى ميللياردتاپ سىرتقا شىعارماي ەلدىڭ ىشىنە سالار ەدى عوي. وزبەك اعايىندار مەن قىرعىزداردى قاراڭىزدارشى، شەت ەلدە جۇمىس جاسايدى دا، سول تاپقان تابىسىن ەلگە اكەلىپ جۇمسايدى. ال ءبىزدىڭ قاۋاقباستار كەرى جۇرەدى، - دەدى بيبىگۇل داۋلەتبەكقىزى.
"ادىرنا" ۇلتتىق پورتالى
