كاريكاتۋرا جي كومەگىمەن جاسالدى
تۇركيادا بالالاردىڭ الەۋمەتتىك جەلىلەردى پايدالانۋىنا قاتىستى جاڭا شەكتەۋلەر كۇشىنە ەنەدى، دەپ حابارلايدى “ادىرنا” ءتىلشىسى.
ەندى 2026 جىلدىڭ 1 قاراشاسىنان باستاپ 15 جاسقا تولماعاندار جەلىنى پايدالانا المايدى.
ءتيىستى نورماتيۆتىك اكت 10 قازاندا ۇكىمەتتىڭ Resmi Gazete رەسمي باسىلىمىندا جاريالاندى.
ال 15 پەن 18 جاس ارالىعىنداعى جاسوسپىرىمدەر ءۇشىن قاۋىپسىزدىك پەن جەكە دەرەكتەردى قورعاۋ تالاپتارى كۇشەيتىلگەن ارنايى رەجيم ەنگىزىلەدى.
قولدانىستاعى اككاۋنتتاردىڭ يەلەرى دە جاسىن راستاۋعا مىندەتتى. بۇل ءراسىمدى اياقتاۋ مەرزىمى — 2027 جىلعى 31 ناۋرىز. پايدالانۋشىلاردىڭ جاسى مەملەكەتتىك قىزمەتتەردىڭ بىرىڭعاي e-Devlet جۇيەسى ارقىلى ارنايى سايكەستەندىرۋ قۇرالىنىڭ كومەگىمەن تەكسەرىلەدى.
جاڭا ەرەجەلەر بويىنشا 15–18 جاستاعى جاسوسپىرىمدەردىڭ اككاۋنتتارى جابىق بولادى. ولارعا تىكەلەي ەفيرگە شىعۋعا، جەكەلەندىرىلگەن جارنامالاردى كورۋگە جانە كونتەنتتى ۇسىنۋدىڭ كەيبىر تەتىكتەرىن پايدالانۋعا شەكتەۋ قويىلادى. سونىمەن قاتار پلاتفورمالار جاسوسپىرىمدەرگە جينالعان دەرەكتەر نەگىزىندە وزگە اككاۋنتتاردى ۇسىنا المايدى جانە ولاردىڭ پروفيلدەرىن باسقا پايدالانۋشىلارعا ۇسىنۋعا تىيىم سالىنادى
