الماتى وبلىسىندا 17 جاستاعى جىگىتتى اتىپ كەتكەن كۇدىكتىلەر ۇستالدى. بۇل تۋرالى ىشكى ىستەر مينيسترلىگىنىڭ Telegram-ارناسى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 5 تامىزدا ەڭبەكشىقازاق اۋدانىنداعى بايدىبەك بي اۋىلىندا تۇندە وقۋشىلار اراسىندا توبەلەس بولدى. سول كەزدە مىلتىقتان وق اتىلدى. ءبىر ءۇيدىڭ اۋلاسىندا 17 جاستاعى ءجاسوسپىرىمنىڭ ءمايىتى تابىلدى. دەنەسىندە وق جاراقاتى بولعان.
ول مىلتىق ۇستالعانداردىڭ ءبىرىنىڭ اكەسىنە تيەسىلى. قازىرگى ۋاقىتتا 9 كۇدىكتى ۋاقىتشا قاماۋ يزولياتورىنا توعىتىلدى، - دەيدى پوليتسەيلەر.
قىلمىستىق كودەكستىڭ 99-بابى 9-تارماعىنىڭ 2-بولىگى (ادام ءولتىرۋ) بويىنشا سوتقا دەيىنگى تەرگەۋ شارالارى باستالدى. سوت-مەديتسينالىق ساراپتامالار تاعايىندالدى.
سونداي-اق، قىلمىستىق كودەكستىڭ 293 – بابى (بۇزاقىلىق) بويىنشا جاۋاپقا تارتىلعاندار بار.
ادام ءولتىرۋ بابى بويىنشا ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نە ءومiر بويىنا باس بوستاندىعىنان ايىرۋ جازاسى قاراستىرىلعان.
