فوتو: yaplakal.com
الماتى وبلىسى قاراساي اۋدانىندا ايەلدى يتتەر تالاپ كەتكەن. بۇل تۋرالى جەلىدە ۆيدەو تارادى، دەپ حابارلايدى "ادىرنا".
وقيعا 17 اقپاندا قاراساي اۋدانىنا قاراستى ۇمتىل اۋىلدىق وكرۋگىندە بولعان. الدىن الا مالىمەت بويىنشا، 52 جاستاعى ايەلدى ءبىر ءۇيدىڭ اۋلاسىندا يتتەر تالاپ كەتكەن. زارداپ شەككەن ازاماتشا اۋىر جاراقات الىپ، وعان مەديتسينالىق كومەك كورسەتىلگەن.
الماتى وبلىسى پوليتسيا دەپارتامەنتىنىڭ ءباسپاسوز قىزمەتى بۇل دەرەك بويىنشا قىلمىستىق ءىس تىركەلگەنىن مالىمدەدى.
«قازىر سوتالدى تەرگەپ-تەكسەرۋ جۇرگىزىلىپ جاتىر. وقيعا ورنىندا پوليتسيا قىزمەتكەرلەرى مەن جەرگىلىكتى اتقارۋشى ورگان وكىلدەرى جۇمىس ىستەۋدە»، – دەدى پد وكىلى.
پوليتسيا 60 جاستاعى كۇدىكتىنى انىقتاعان. ول – يتتەردىڭ يەسى. مالىمەتكە سايكەس، جابىرلەنۋشىنىڭ كورشىسى ءوز ءۇيىنىڭ اۋماعىندا شامامەن 20–25 يت ۇستاعان. ەر ادام قاراساي اۋداندىق پوليتسيا باسقارماسىنا جەتكىزىلىپ، وعان قاتىستى قىلمىستىق ءىس قوزعالدى. سونداي-اق قوعامدىق ءتارتىپتى بۇزعانى ءۇشىن زاڭ اياسىندا اكىمشىلىك جاۋاپكەرشىلىككە تارتىلعان.
