الماتى وبلىسىندا 8 جاستاعى قىزدى بىرنەشە مارتە زورلاعانى ءۇشىن ەر ادام 20 جىلعا باس بوستاندىعىنان ايىرىلدى. بۇل تۋرالى ەڭبەكشىقازاق وبلىسى اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«28 جەلتوقساندا الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىمەن ازامات «ا» قازاقستان رەسپۋبليكاسى قىلمىستىق كودەكسىنىڭ 121-بابىنىڭ 4-بولىگىمەن (سەكسۋالدىق سيپاتتاعى زورلىق-زومبىلىق ارەكەتتەرى) كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى جانە 20 جىلعا باس بوستاندىعىنان ايىرۋ تۋرالى ۇكىم شىعاردى»، - دەلىنگەن حابارلامادا
كىشكەنتاي قىزدىڭ اجەسى ودان 2023 جىلدىڭ مامىر ايىندا كورشىسىنىڭ جان تۇرشىگەرلىك ارەكەتتەرى تۋرالى بىلگەن.
«ا» مىرزا ۇزاق ۋاقىت بويى كورشىسىنىڭ قىزىن ءتۇرلى سىلتاۋلارمەن ۇيىنە ازعىرىپ، وعان قاتىستى سەكسۋالدىق سيپاتتاعى زورلىق-زومبىلىق ارەكەتتەرىن جاساعان»، - دەپ حابارلادى اكىمدىكتەگىلەر.
ەڭبەكشىقازاق اۋداندىق ىشكى ىستەر ءبولىمى ايەلدەرگە، كامەلەتكە تولماعاندارعا قاتىستى سەكسۋالدىق زورلىق-زومبىلىق جاساعانى ءۇشىن قىلمىستىق جاۋاپكەرشىلىك 5 جىلدان ءومىر بويىنا باس بوستاندىعىنان ايىرۋعا دەيىن بولاتىنىن حابارلايدى.
