الماتى وبلىسىندا جىل سوڭىنا دەيىن «Kusto Logistics» كوتەرمە-ءبولۋ ورتالىعى، «MP Solution» جانە «ەۋرازيالىق لوگيستيكالىق پارك»، «Imagine Apple Logistics» ءىرى لوگيستيكالىق كەشەندەر مەن يندۋستريالىق پاركتەر پايدالانۋعا بەرىلەدى. بۇل تۋرالى الماتى وبلىسىنىڭ اكىمى مارات سۇلتانعازيەۆ ورتالىق كوممۋنيكاتسيالار قىزمەتىندەگى بريفينگتە ايتتى.
اكىمنىڭ مالىمەتىنشە، وسىنداي كاسىپورىنداردى ورنالاستىرۋ ماقساتىندا 15 يندۋستريالدى ايماق قۇرىلىپ (تالعار اۋدانىندا «قايرات-2»، ەڭبەكشىقازاق اۋدانىندا «شەلەك»، جامبىل اۋدانىندا «قازىبەك بەك»، «ۇلكەن»، ۇيعىر اۋدانىندا «تاسقاراسۋ»، «سۇڭقار»، قوناەۆ قالاسىندا «قوناەۆ»، الاتاۋ قالاسىندا «بەرەكە» جانە جەتەۋى ۇلكەن الماتى اينالما جولىنىڭ ماڭىندا) جاتىر.
ولاردىڭ ىشىندە «قايرات-2» يندۋستريالدىق ايماعى شەتەل ينۆەستورلارى ەسەبىنەن سالىنسا، ۇلكەن الماتى اينالما جولىنىڭ ماڭىنداعى ايماقتاردى جەر يەلەرىمەن بىرلەسىپ جۇزەگە اسىرىلادى.
«وسىلايشا، وبلىسىمىزدىڭ ينۆەستيتسيالىق پوتەنتسيالىن ارتتىرۋ ءىرى كاسىپورىنداردىڭ عانا ەمەس، شاعىن جانە ورتا بيزنەستىڭ دە دامۋىنا مۇمكىندىك بەرىپ جاتىر. بۇگىندە شاعىن جانە ورتا بيزنەستىڭ جالپى وڭىرلىك ونىمدەگى ۇلەسى 46,3%-عا جەتىپ، ولاردىڭ سانى 156 مىڭنان استى (2022 جىلى – 116,6 مىڭ), ءوسىم كولەمى 33,8% بولدى»، - دەدى سۇلتانعازيەۆ.
بۇل سالادا بارلىق جۇمىسپەن قامتىلعان (740,3 مىڭ ادام) حالىقتىڭ ۇشتەن ءبىر بولىگى جۇمىس ىستەيدى (273 مىڭ ادام).
