فوتو: الماتى وبلىسىنىڭ وكق
ءپاراشيۋتشىنىڭ بۇل ارەكەتى جينالعان جۇرت ءۇشىن كۇتپەگەن جاعداي بولدى. ىلە اۋدانىنىڭ تۇرعىندارى سپورتشىنىڭ ۇشاقتان جەرگە قۇلديلاعان ءساتىن قىزىعا تاماشالادى. ول داۋىس بەرۋ ورنىنا ءدال قوندى. بۇل ەرەكشە اكتسيانى جۇزەگە اسىرعان – زاپاستاعى وفيتسەر، پاراشيۋتتىك دايىندىق ءبولىمىنىڭ كومانديرى، تاندەم-نۇسقاۋشى تيموفەي مەركۋلوۆ.
ول – مىسىرداعى پيراميدالاردىڭ ماڭىنا قونعان العاشقى قازاقستاندىق سپورتشى. سونداي-اق ەلبرۋس تاۋىنا سەكىرىپ، اقش اسپانىندا وتكەن 100-way حالىقارالىق اۋە فورماتسياسىنا قاتىسقان. ونىڭ ەنشىسىندە ءارتۇرلى ۇلگىدەگى پاراشيۋتتەرمەن جاساعان 1 700-دەن استام سەكىرۋ بار.
«جاقىندا وڭىردە اۆياتسيا مەن پاراشيۋت سپورتىن ناسيحاتتايتىن تاماشا اۆياتسيالىق فەستيۆال ءوتتى. بۇل حالىقتىڭ اۆياتسيا مەن پاراشيۋت سپورتىنا قىزىعۋشىلىعى جوعارى ەكەنىن كورسەتتى. بۇگىن ونى ءارى قاراي جالعاستىرىپ، سايلاۋ ۋچاسكەسىنە سەكىرۋدى ۇيعاردىق. وسى ارقىلى اۆياتسيا مەن پاراشيۋت سپورتىنا، سونداي-اق ەل ءۇشىن ماڭىزدى وقيعا – قۇرىلتاي سايلاۋىنا كوپشىلىك نازارىن اۋدارعىمىز كەلدى. مەن ءۇشىن داۋىس بەرۋ – اسپاندا قابىلداناتىن ءاربىر شەشىممەن تەڭ جاۋاپتى مىندەت ءارى ازاماتتىق بورىش»، – دەدى تيموفەي مەركۋلوۆ.
بۇل جايت تۇرعىندار ءۇشىن ەستە قالارلىق ساتكە اينالدى. مۇنى كورگەن كوپشىلىك ماڭىزدى كۇننىڭ ءمانىن ءتۇسىنىپ، سايلاۋ ۋچاسكەلەرىنە اعىلدى. ارينە، ولار ەكسترەمالدى تريۋكتەر جاساعان جوق، دەگەنمەن ءبارى سايلاۋدا ءوز تاڭداۋىن جاسادى. وسىلايشا، ىلە اۋدانىنداعى ءداستۇرلى داۋىس بەرۋ ەرەكشە وقيعامەن تولىقتى.
