الماتى اكىمى ەربولات دوساەۆ بەكمۇحامەتوۆتەردىڭ وتباسىنا – «اقكەنت» تۇرعىن ءۇي كەشەنىندەگى ورتتەن قازا تاپقانداردىڭ تۋىستارىنا كوڭىل ايتتى، - دەپ حابارلايدى "ادىرنا" ءتىلشىسى قالا اكىمدىگىنىڭ تەلەگرام-كانالىنا سىلتەمە جاساپ.
"قۇرمەتتى قايرات جارمۇحامەدۇلى جانە جۇماگۇل جۇماشقىزى! قايعىعا ورتاقتاسىپ، كوڭىل ايتۋىمدى قابىل الىڭىزدار. اسەلدىڭ مەزگىلسىز قايتىس بولۋى تەك سىزدەر ءۇشىن عانا ەمەس، بارشامىز ءۇشىن، الماتىلىقتار ءۇشىن اۋىر قايعى بولدى.
جاقىندارىڭنان ايىرىلۋ وتە قيىن، بىراق بالاسىنان ايىرىلعان اتا-انانىڭ قايعىسىمەن ەشتەڭە تەڭەسە المايدى. قايعىلارىڭىزعا ورتاقپىن. بۇل ورنى
تولماس قازاعا سىزدەرگە باتىلدىق پەن توزىمدىلىك تىلەيمىن.
قىزدارىڭىز ايجاننىڭ تەز ساۋىعىپ كەتۋىنە تىلەكتەسپىن. ونىڭ تولىق ساۋىعىپ كەتۋى ءۇشىن بارلىق قاجەتتى مەديتسينالىق كومەك كورسەتىلەدى»، - دەلىنگەن كوڭىل ايتۋ ماتىنىندە.
ايەل العان اۋىر جاراقات سالدارىنان قايتىس بولدى دەلىنەدى.
ەسكە سالايىق، الماتىدا ساعات 17:00 شاماسىندا 16 قاباتتى تۇرعىن ءۇي كەشەنىندە ءورت شىققان بولاتىن. تۇتىننەن قاشقان تۇرعىندار پاتەرلەرىنىڭ تەرەزەلەرىنەن سەكىرىپ، بالالارىن سىرتقا لاقتىرا باستادى. 43 ادام زارداپ شەكتى.
ۇقساس جاڭالىقتار
