Алматыда көпқабатты үйден шыққан өрт сөндірілді, деп хабарлайды "Адырна" ұлттық порталы.
Алматыдағы тұрғын үйден шыққан өрт ауыздықталды. Төтенше жағдайлар министрлігінің баспасөз қызметінен хабарлағандай, қызыл жалын сағат 18:46 кезінде оқшауланып, соңыра сөндірілген.
Еске сала отырайық, бүгін Алматыдағы 16 қабатты үйде өрт тұтанды. Сағат 17:10-да ТЖД күш-құралдары Алатау ауданы, «Ақкент» ықшамауданында орналасқан 54-ші үйге шұғыл аттанған.
Өрт сөндіру қызметі оқиғаға қатысты былай пікір білдірді:
«Өрт сөндірушілер оқиға орнына 6 минутта жетті. Олар 16 қабатты тұрғын үйдің 5-қабатындағы пәтер ашық жалынмен жанып жатқанын анықтады. Қазір адамдар эвакуацияланып жатыр».
Соңғы деректерге сәйкес, 300-ге жуық адамның эвакуацияланғаны айтылады. Абырой болғанда қаза тапқандар жоқ.
Белгілі болғандай, өрт кабельден шыққан. Нақтырақ айтсақ, үйдің 1 және 16 қабатында электр кабельдері жанған.
Әлеуметтік желіде өрт сөндірушілердің қалтқысыз қызметіне, құтқару жұмыстарын шапшаң орындауына тәнті болған жұрттың видеосы тарады.
"Адырна" ұлттық порталы